ТҮРКІСТАНДАҒЫ ХАЛЫҚАРАЛЫҚ ИНВЕСТИЦИЯЛЫҚ ФОРУМҒА АЛПАУЫТ КОМПАНИЯ ӨКІЛДЕРІ ҚАТЫСЫП ЖАТЫР.

Түркістанда «TURKISTAN INVESTMENT AND TOURISM FORUM – 2024» халықаралық инвестициялық форумы басталды. Іс-шараға отандық және шетелдік инвесторлар мен жергілікті атқарушы билік органдарының өкілдері қатысып жатыр.

Ең алдымен халықаралық форумға келушілер назарына көрме ұсынылды. Онда инвесторларға Түркістан өңірінің қолөнері, туристік дестинациялары таныстырылып, таза табиғи ауыл шаруашылығы өнімдері көрсетілді. Сондай-ақ облыста жүзеге асырылып жатқан жаңа жобалар да таныстырылды.

Форум аясында «Түркістан – Ұлы Жібек жолындағы халықаралық ынтымақтастықтың орталығы» тақырыбында мемлекеттік органдар, бизнес және халықаралық ұйым өкілдерінің қатысуымен пленарлық отырыс өтті. Онда Орталық Азия тарихи-дипломатиялық қоғамдастығының төрағасы Серік Нарысов модератор болды.

Түркістан облысының әкімі Дархан Сатыбалды форумға арнайы келген шетелдік инвесторларға алғысын айтты.

– Түркістан қаласында ұйымдастырылып отырған халықаралық инвестициялық форумға қош келдіңіздер! Бүгінгі форум жаңа бастамаларды және инвестициялық жобаларды іске асыруға арналған маңызды алаң. Халықаралық инвестициялық форумға Қытай Халық Республикасынан 120 компания және Қазақстан өңірлерінен 100-ден астам ірі компания өкілдері қатысуда. Қазақстан Республикасының Президенті Қасым-Жомарт Кемелұлы Тоқаев пен Қытай Халық Республикасының Төрағасы Си Цзиньпин осы күнге дейін бірнеше рет кездесіп, екі жақты қатынастарды дамытуға бағытталған аса маңызды құжаттарға қол қойған. Екі ел арасындағы экономикалық байланыс нығая түсуде. Соңғы 20 жылда Қытайдан тартылған инвестициялардың жалпы көлемі 44 млрд. АҚШ долларын құрады. Түркістан облысы құрылғаннан бастап, Қытай капиталының қатысуымен жалпы құны 110 млн. АҚШ долларын құрайтын 4 инвестициялық жоба іске қосылды. Түркістан облысының әлуеті өте жоғары. Ауыл шаруашылығы, өндіріс, туризм және барлық салаларда инвестициялық жобаларды жүзеге асыруға мүмкіндік мол. Өңірде инвесторларға дайын инфрақұрылымы бар ғимараттарды ұсынатын индустриалды аймақтар және дайын ғимараттар орнатылған шағын өнеркәсіптік парктер бар. Жоғарыда аталған инвестициялық алаңдарда бірлескен жобаларды жүзеге асыруға шақырамын, – деген Дархан Сатыбалды өңірдің инвестициялық әлеуеті туралы кеңінен баяндады.

Пленарлық отырыс барысында Қытай Халық Республикасының Алматы қаласындағы Бас консулының орынбасары Люй И сөз алып, халықаралық іс-шараның елдер арасындағы достықты нығайтудағы маңызы туралы айтты. Сонымен бірге спикерлер қатарында ҚР Ауыл шаурашылығы министрлігі мен кәсіпкерлік саласының өкілдері де болды.

Форум жұмысы әрі қарай тақырыптық панельдік отырыстарға жалғасады. Халықаралық маңызы бар құжаттарға қол қойылып, ынтымақтастық артады.

Айта кетейік, Түркістан облысында негізгі каптиталға тартылған инвестиция көлемі былтырғы жылдың қорытындысы бойынша 972 млрд теңгені құрап, триллионға жуықтаған. Бұл көрсеткіштер аймақта өндірістің дамып, өнеркәсіптің дамып жатқанын айғақтайды. Әрі өңірде былтыр өңдеу өнеркәсібінде 20 инвестициялық жоба толық іске қосылып, жаңа жұмыс орындары ашылды.

Халықаралық форумның негізгі мақсаты – Түркістан облысының инвестициялық әлеуетін таныстыру және өңірдің шет елдермен экономикалық байланыстарын нығайту. Инвестиция тартып, өндіріс орындарын көбейту.Қазақстан Республикасының Президенті Қасым-Жомарт Тоқаев инвестиция тартуды ел экономикасын дамытудағы стратегиялық маңызды бағыт ретінде атап өтті. Мемлекет басшысы экономиканы әртараптандыру, жаңа жұмыс орындарын ашу және өңірлерді дамыту үшін шетелдік және отандық инвесторларды тартудың қажеттігін бірнеше рет айтты. Бұл саясат елімізді халықаралық аренада инвестиция үшін тартымды мемлекет ретінде қалыптастыруға бағытталған.

Инвестиция тарту – экономикалық тұрақтылық кепілі

Қазақстан Республикасының Президенті Қасым-Жомарт Тоқаев инвестиция тартуды ел экономикасын дамытудағы стратегиялық маңызды бағыт ретінде атап өтті. Мемлекет басшысы экономиканы әртараптандыру, жаңа жұмыс орындарын ашу және өңірлерді дамыту үшін шетелдік және отандық инвесторларды тартудың қажеттігін бірнеше рет айтты. Бұл саясат елімізді халықаралық аренада инвестиция үшін тартымды мемлекет ретінде қалыптастыруға бағытталған.

Инвестиция тарту – экономикалық тұрақтылық кепілі

Президент Тоқаевтың айтуынша, инвестиция – елдің экономикалық өсуінің негізгі қозғаушы күші. Инвестициялардың арқасында жаңа зауыттар мен фабрикалар салынып, инфрақұрылым дамып, экспорттық әлеует артады. Елімізде өңдеу өнеркәсібі, ауыл шаруашылығы, энергетика, цифрлық технологиялар және жаңартылатын энергия көздері сияқты салаларға ерекше назар аударылып отыр.

Негізгі міндеттер:

Инвестициялық саясаттың ашықтығы мен тиімділігін қамтамасыз ету;

Бюрократиялық кедергілерді азайту;

Ірі стратегиялық жобаларды іске асыру үшін қолайлы жағдай жасау.

Қазақстанның халықаралық қаржы ұйымдарымен ынтымақтастығы нығайып, әлемнің жетекші елдерімен экономикалық байланысы күшейіп келеді.

Инвестициялық ахуалды жақсарту

Мемлекет басшысы инвесторларға барынша қолайлы жағдай жасау туралы нақты тапсырмалар берді. Осыған байланысты Қазақстанда бірнеше маңызды шаралар қолға алынуда:

1. Инфрақұрылымдық даму – ірі көлік-логистикалық орталықтар мен индустриялық аймақтарды құру.

2. «Бір терезе» қағидаты – инвесторларға барлық қажетті қызметтерді бір жерде ұсыну.

3. Салықтық және кедендік жеңілдіктер – стратегиялық маңызды салаларда жұмыс істейтін кәсіпорындар үшін.

4. Арнайы экономикалық аймақтар – шетелдік және отандық кәсіпкерлерді қолдау мақсатында ерекше жеңілдіктер ұсынылуда.

 

Халықаралық ынтымақтастық

Инвестиция тарту мәселесінде Қазақстан халықаралық серіктестермен тығыз байланыс орнатып келеді. «Бір белдеу, бір жол» бастамасы, Еуразиялық экономикалық одақ аясындағы жобалар, сондай-ақ Еуропалық Одақ елдерімен ынтымақтастық шеңберінде ірі инвестициялық жобалар іске асырылуда.

Болашаққа бағдар

Президенттің тапсырмасына сәйкес, Қазақстанның инвестициялық саясаты аймақтарды дамытуға, инновация мен «жасыл» экономикаға негізделген. Бұл бағыттар еліміздің тұрақты дамуына жол ашып, халықтың өмір сүру сапасын жақсартуға ықпал етпек.

Инвестиция тарту арқылы Қазақстан экономикасының жаңа белестерге көтерілуі – мемлекеттің негізгі стратегиялық мақсаты болып қала береді.