Отанды қорғау – әрбір азаматтың қасиетті борышы. Бұл ұғым ғасырлар бойы ата-бабамыздың қанымен, жанымен келген тәуелсіздік пен ел тұтастығын сақтаудың маңызын білдіреді. Бүгінгі таңда Отанды қорғау тек әскери міндет қана емес, сонымен қатар елдің бейбіт өмірін қамтамасыз ететін азаматтық парыз. Қазақстан Республикасының Президенті Қасым-Жомарт Тоқаев бұл мәселеге ерекше көңіл бөліп, ұлттық қауіпсіздік пен ел тұрақтылығын сақтауды әрбір қазақстандықтың маңызды міндеті ретінде белгілеп отыр.
Президент Қасым-Жомарт Тоқаевтың халыққа арнаған Жолдаулары мен ресми мәлімдемелерінде ұлттық қауіпсіздікке ерекше назар аударылады. Ел басшысы ұлттық мүддені қорғау үшін кәсіби әскери кадрларды даярлау, заманауи технологияларды енгізу және азаматтық қорғаныс жүйесін нығайту қажеттігін үнемі айтады. Оның тапсырмасы бойынша елдегі Қарулы Күштер, құқық қорғау органдары және төтенше жағдайлар қызметі жаңғыртылып, олардың әлеуеті арттырылуда.
Сонымен қатар, Президенттің тапсырмасымен әскери қызметтің беделін көтеруге, әскери мамандардың әлеуметтік жағдайын жақсартуға бағытталған бірқатар реформалар іске асуда. Бұл қадамдар елдің қорғаныс қабілетін күшейтіп қана қоймай, жастарды әскери борышын абыроймен өтеуге ынталандырады.
Ұлт қауіпсіздігін қамтамасыз ету – мемлекеттің тұрақты дамуының кепілі. Бүгінгі таңда геосаяси ахуалдың тұрақсыздығы мен түрлі қауіп-қатерлер Қазақстанның қорғаныс жүйесін үнемі жетілдіріп отыруды талап етеді. Президент тапсырмасына сәйкес, елімізде келесідей шаралар жүзеге асырылуда:
1. Әскери дайындықты жетілдіру: Әскери бөлімдер жаңа қару-жарақтармен және заманауи техникалармен қамтамасыз етілуде. Сондай-ақ, әскерилердің жауынгерлік дайындығы күшейтіліп, халықаралық әскери оқу-жаттығуларға қатысу арқылы тәжірибелері артып келеді.
2. Технологиялық модернизация: Қорғаныс саласына жасанды интеллект, киберқауіпсіздік және дрондық технологиялар енгізілуде. Бұл елдің қорғаныс жүйесін қазіргі заманғы талаптарға сай етуге мүмкіндік береді.
3. Жастар тәрбиесі: Мектептер мен жоғары оқу орындарында патриоттық тәрбие беру бағдарламалары іске қосылды. Бұл жас буынның Отанға деген сүйіспеншілігін арттырып, елдің болашағына сенімді ұрпақ тәрбиелеуді көздейді.
4. Еріктілер қозғалысы: Азаматтық қоғамды дамыту мақсатында еріктілер қозғалысы да Отанды қорғаудың бір бөлігі ретінде қарастырылады. Табиғи апаттар кезінде халыққа көмек көрсету, экологиялық мәселелерді шешу – бұл да елдің қауіпсіздігін қамтамасыз етудің маңызды аспектілері.
Патриотизм – Отан қорғаудың негізі.Президент Тоқаев патриотизмді қоғамның дамуының негізгі құндылықтарының бірі ретінде атап көрсетеді. Шынайы патриотизм ел азаматтарының бойында жауапкершілік, адалдық, әділеттілік және бірлік сезімдерін қалыптастырады. Бұл құндылықтар ұрпақтан-ұрпаққа беріліп, елдің болашағын айқындайды.
Қазіргі заманның жастары үшін патриотизм тек әскери борышты орындаумен шектелмейді. Ол – ел экономикасын дамытуға, ғылым мен білім саласында жетістікке жетуге, мәдени құндылықтарды насихаттауға, экологияны қорғауға қосқан үлес. Президент атап өткендей, әр азамат өз ісімен Отанды қорғап, оның дамуына үлес қосуы керек.
.Отанды қорғау – тек Президент тапсырмасы емес, әрбір азаматтың қасиетті міндеті. Қасым-Жомарт Тоқаевтың тапсырмалары ұлттық қауіпсіздік жүйесін жаңғыртып, елдің қорғаныс қабілетін нығайтуға бағытталған маңызды қадамдар болып табылады. Әрбір қазақстандық осы міндетті абыроймен орындауға ұмтылып, болашақ ұрпаққа бейбіт және тұрақты мемлекет қалдыруға жауапты. Елдің тұрақтылығы мен қауіпсіздігі – баршамыздың ортақ парызымыз.
