ТҮРКІСТАН ОБЛЫСЫ ӘКІМІНІҢ ОРЫНБАСАРЫ ҚОҒАМДЫҚ ҚАБЫЛДАУДА ТҰРҒЫНДАР ӨТІНІШІН ТЫҢДАДЫ.

«AMANAT» партиясының Түркістан облыстық филиалындағы кезекті қоғамдық қабылдау Түркістан облысы әкімінің орынбасары Бейсенбай Тәжібаевтың қатысуымен өтті. Облыс тұрғындарымен кері байланыс арнасы болып түзілген қабылдауға «AMANAT» партиясы Түркістан облыстық филиалы төрағасының уақытша міндетін атқарушы, Түркістан облыстық мәслихатының депутаты Қалыйма Жантөреева, Түркістан облыстық жұмыспен қамтуды үйлестіру және әлеуметтік бағдарламалар басқармасының басшысы Әсия Темірбаева, облыстық денсаулық сақтау, білім басқармаларының жауапты өкілдері, Созақ ауданы мен Түркістан қаласы әкімдерінің орынбасарлары қатысты.

Облыс әкімі орынбасарларының жеке қабылдауына жазылған тұрғындар негізінен әлеуметтік сұраныстарымен, білім беру жүйесі бойынша өтініштерімен және денсаулық сақтау саласына қатысты мәселелерімен жүгінді. Партиялық алаңға келген 5 азамат мемлекеттік атаулы әлеуметтік көмек алуға жәрдем көрсетуді, қаржылай көмек алуға мүмкіндік қарастырып беруді өтінсе, тағы 5 азамат білім беру мекемелеріне жұмысқа тұруға көмек көрсету, мектепке дейінгі ұйымды ашудағы кедергілер жөніндегі базыналарын білдіріп, білім мекемесіндегі жұмысынан босатылғанына шағымын жеткізді. Ал денсаулық сақтау жүйесі бойынша сұраныстарын арқалай келген тұрғындар, денсаулық жағдайы бойынша мүгедек деп тану, кәсіби білікті дәрігерлердің қабылдауына бару бойынша көмек беруін өтінсе, қабылдауға жазылған бір азамат ауруханадағы жұмысынан заңсыз босатылғанына араша сұрап келді.

Мәселен, Түркістан қаласындағы көпқабатты үйдің бірінші қабатынан «Ханзада» жекеменшік балабақшасын ашқан жеке кәсіпкер Гүлзираш Нәлібаева Түркістан облысы бойынша мектепке дейінгі білім беру ұйымдарына мектепке дейінгі тәрбие мен оқытуға мемлекеттік білім беру тапсырысын орналастыру жөніндегі комиссия шешіміне наразылығын білдірді. Мәселені мұқият тыңдаған Бейсенбай Дәулетұлы білім басқармасының жауапты өкіліне жағдайды толық зерделеуге тапсырма беріп, тікелей назарда ұстайтын болды.

6 баланың анасы Алтынай Әлайдарова алаяқтың құрбаны болған. Бүгінде мойнына ілінген қарызы көбейіп, тығырықтан шығу жолын іздеп жүр. Хабарлама ресми органдардың нөмірімен келген. Алтынай аталған ресми органдарға шара көруін сұрайды. Аталған өтініш бойынша құқық қорғау органдарына хабарласу ұсынылып, жұмыспен қамтуды үйлестіру және әлеуметтік бағдарламалар басқармасы тарапынан көпбалалы ана ретінде атаулы әлеуметтік тағайындау мүмкіндігін қарастыру зерделенетін болды.

Өзге де тұрғындардың өтініштері қаралып, бақылауға алынды.Қасым-Жомарт Тоқаев өзінің саяси қызметінің басынан-ақ халық пен билік арасындағы байланысты нығайтудың маңыздылығын атап өтті. Президенттің тапсырмасына сәйкес, қоғаммен етене араласу мемлекеттік саясаттың негізгі басымдықтарының бірі болып белгіленді. Бұл бағытта биліктің халыққа ашықтығы, мемлекеттік қызметтердің қолжетімділігі және қоғамдық пікірді ескере отырып шешімдер қабылдау басты мақсат ретінде қойылды.

Халық үніне құлақ асатын мемлекет

Қоғаммен тікелей байланыс орнату үшін Президент «халық үніне құлақ асатын мемлекет» тұжырымдамасын ұсынды. Бұл идеяның негізгі мәні – халықтың пікірін тыңдау, олардың проблемаларын нақты шешу және азаматтық қоғам институттарының рөлін күшейту. Мұндай тәсіл арқылы билік халықтың сенімін арттырып, әрбір азаматтың мемлекетті басқару үдерісіне қатысуына мүмкіндік береді.

Президент тапсырмасының негізгі бағыттары:

1. Ашықтық пен қолжетімділік: Мемлекеттік органдар халықпен кері байланыс орнату үшін ашықтық принциптерін ұстануы тиіс. Бұл бағытта «е-Өтініш» жүйесі, халыққа қызмет көрсету орталықтары және онлайн платформалар кеңінен қолданылуда.

2. Жергілікті деңгейде жұмыс істеу: Президент әкімдер мен жергілікті атқарушы органдарға халықпен жиі кездесіп, олардың мәселелерін тыңдауды тапсырды. Бұл шешімдер өңірлік проблемаларды уақытылы анықтап, тиімді әрекет етуге мүмкіндік береді.

3. Қоғамдық кеңестердің жұмысы: Қоғамдық кеңестердің қызметін жандандыру арқылы азаматтардың мемлекеттік саясатты әзірлеу және жүзеге асыру үдерісіне белсенді араласуы қамтамасыз етілуде.

Цифрлық технологияларды енгізу

Президенттің тапсырмасымен цифрлық технологиялар халық пен билік арасындағы байланысты нығайтуда маңызды құралға айналды. Электрондық үкімет, мобильді қосымшалар және әлеуметтік желілер арқылы азаматтар өз өтініштерін билікке тікелей жеткізе алады. Бұл процестердің ашықтығын қамтамасыз етіп қана қоймай, мәселелердің шешілу жылдамдығын да арттырады.

Қоғаммен диалогтың артықшылықтары

Мемлекет басшысының айтуынша, қоғаммен етене араласу арқылы бірнеше маңызды мәселе шешіледі:

Азаматтардың сенімі артады, бұл мемлекеттік саясаттың тиімділігін арттыруға ықпал етеді.

Халықтың ұсыныстары мен пікірлерін ескеру арқылы шешімдердің сапасы жақсарады.

Әлеуметтік тұрақтылық пен бірлік нығайып, қоғамдағы өзекті мәселелердің алдын алуға мүмкіндік береді.

Қоғаммен етене араласу – мемлекеттің тұрақты дамуының негізі. Президент Қасым-Жомарт Тоқаевтың бұл бастамасы халық пен билік арасындағы байланысты күшейтіп, елдің саяси және әлеуметтік тұрақтылығын қамтамасыз етуге бағытталған. Бұл ұстаным әрбір азаматтың үнін ескеріп, еліміздің болашағын бірге қалыптастыруға мүмкіндік береді.