«Еңбекпен ел көгерген» атты кеңейтілген кітап көрмесі өтті
2025 жылдың елімізде «Жұмысшы мамандықтар жылы» деп жариялануына орай Кентау қаласындағы кітапханалар жүйесінде маңызды іс-шаралардың бірі ретінде «Еңбекпен ел көгерген» атты кеңейтілген кітап көрмесі өткізілді. Бұл көрме – еңбек адамының қоғамдағы алатын орнын айқындап, жас ұрпаққа өнеге боларлық үлгі көрсету мақсатында ұйымдастырылды.
Кітап көрмесінде жұмысшы мамандықтардың қалыптасу тарихы, олардың еліміздің экономикалық-әлеуметтік дамуына қосқан үлесі жайында мол мәліметтер қамтылған. Атап айтқанда, еңбек тақырыбын арқау еткен көркем әдебиеттер, өндіріс майталмандары жайлы өмірбаяндық шығармалар, кәсіби бағыттағы анықтамалықтар мен заманауи технологиялық еңбектер қойылды. Көрменің мазмұны мазмұнды, тілі бай, әрі көркем безендірілген кітаптармен толықты.
Іс-шараға қала тұрғындары, оқушылар, колледж студенттері мен еңбек ардагерлері белсене қатысты. Көрменің ашылу салтанатында кітапхана қызметкерлері мен қала әкімдігі өкілдері сөз сөйлеп, еңбек құндылығының маңыздылығы мен оның ұлт болашағы үшін маңызы туралы ойларымен бөлісті. Сондай-ақ, жұмысшы мамандық иелерімен жүздесу, олардың өмір жолынан сыр шертетін бейнематериалдар мен фото көрмелер де көрермен назарына ұсынылды.
Мұндай көрмелердің басты мақсаты – қоғамда еңбек мәдениетін қалыптастыру, жастар арасында жұмысшы мамандықтарға деген қызығушылықты арттыру, әрі еңбек адамының беделін көтеру болып табылады. Сонымен қатар, бұл көрме жас оқырмандарға дұрыс бағыт-бағдар беріп, өз кәсібіне деген жауапкершілікті терең сезінуге мүмкіндік туғызды.
«Еңбекпен ел көгерген» атты кеңейтілген кітап көрмесі Кентау қаласында еңбекке деген құрмет пен адал еңбектің абыройын арттыру жолындағы нақты қадамдардың бірі ретінде бағаланды. Алдағы уақытта да осындай мазмұнды шаралар жалғасын табатынына сенім мол.
