Сауран ауданы білім бөліміне қарасты Молда Мұса атындағы жалпы білім беретін мектебінде 20 мамыр күні «Отбасы тәрбиесіндегі құндылықтар: өзектілігі және шешу жолдары» тақырыбындағы жалпы ата-аналар жиналысы өткізілді. Жиналыстың алғашқы сөз кезегін мектебіміздің тәрбие ісі жөніндегі орынбасары Шуленбаев Өркен сөз алып күн тәртібімен таныстырып, биылғы оқу жылынның қорытындысы мен хабарландыру бойынша жиналғанын атап өтті. Жиналыс барысында ата-аналарға отбасы тәрбиесіндегі құндылықтар, оның өзектілігі мен шешу жолдары, жазғы демалыс кезінде оқушылардың қауіпсіздік ережелерін сақтау бойынша түсіндірме жұмыстар жүргізді.Жиналыстың мақсаты – ата-аналар мен мектеп арасындағы өзара ынтымақтастықты нығайта отырып, отбасы тәрбиесіндегі ұлттық, рухани және адамгершілік құндылықтардың маңызын түсіндіру.Мектебіміздің қосымша білім беру педагогы Жүсіпова Ұлсерік 2024-2025 оқу жылындағы мектеп мақтаныштарын, жетекшілерімен таныстырып өтті. Мектебіміздің ата-аналар комитетінің төрағасы Оңалбеков Алмас сөз сөйлеп ата-аналарға балаларды барынша қамқорлыққа алып, зиянды әдеттерден аулақ болуға, жақсы тәлім-тәрбие беріп, болашағы жарқын, ел тізгінін ұстайтын бала тәрбиелеуге шақырды.Отбасы тәрбиесіндегі құндылықтар — бұл отбасындағы әрбір мүшенің бойында қалыптасатын, өмір бойы сақталатын адамгершілік, рухани, мәдени және ұлттық қасиеттердің жиынтығы. Бұл құндылықтар адамның мінез-құлқын, өмірлік ұстанымдарын, қоғаммен қарым-қатынасын айқындайтын негіз болып табылады.
Адамның алғашқы тәрбиесі отбасында басталады. Сол себепті отбасы — баланың алғашқы мектебі, ал ата-ана — алғашқы тәрбиешісі. Отбасында бала ата-анасының, ата-әжесінің, бауырларының қарым-қатынасын, өмірге деген көзқарасын көріп, соны бойына сіңіреді. Бұл процесте отбасының рухани-адамгершілік құндылықтары ерекше рөл атқарады.
Мұндай құндылықтарға мейірімділік, сыйластық, жауапкершілік, адалдық, еңбекқорлық, үлкенге құрмет, кішіге қамқорлық, отансүйгіштік секілді қасиеттер жатады. Мысалы, бала отбасында үлкендерге сәлем беруді, бір-біріне көмектесуді, кешірімді болуды үйренсе, бұл оның болашақ өмірінде де тұрақты мінез-құлыққа айналады.
Ұлттық құндылықтар да отбасы тәрбиесінде маңызды орын алады. Қазақ халқының салт-дәстүрлері, әдет-ғұрыптары, тілі мен діні — ұлттың рухани байлығы. Отбасында балаға қазақы тәрбие беру арқылы оның ұлттық болмысын қалыптастырамыз. «Ұяда не көрсе, ұшқанда соны іледі» деген халық мақалы осыған дәлел.
Сондай-ақ, қазіргі замандағы отбасы тәрбиесінде технология, білім мен мәдениеттің де өзіндік орны бар. Алайда осы жаңашылдықтар дәстүрлі отбасылық құндылықтарды ығыстырмауы тиіс. Керісінше, ата-бабадан қалған асыл мұраларымызды сақтай отырып, заман талабына сай баланы тәрбиелеу — басты міндет.
Қорытындылай келе, отбасы тәрбиесіндегі құндылықтар — әр адамның тұлға ретінде қалыптасуына негіз болатын іргетас. Қандай қоғам болмасын, берекелі отбасы мен оның салауатты тәрбиесіне мұқтаж. Ал бұл құндылықтар ұрпақтан-ұрпаққа жалғасып отырса, ұлттың болашағы да жарқын болмақ.
Жиналыс соңында биылығы оқу жылында үздік оқыған оқушылар мен спорт, өнерден, олимпиадалардан жүлделі орын алған оқушыларымыздың ата-аналары марапаттады.
