Сауран ауданы білім бөліміне қарасты. А.Байтұрсынұлы атындағы жалпы білім беретін мектебінің директоры «1 маусым — Халықаралық балаларды қорғау күніне» орай үйде оқитын ерекше білім беруді қажет ететін оқушыларды мерекемен құттықтап,көтеріңкі көңіл-күй сыйлау мақсатында арнайы үйлеріне барып сыйлықтарын табыстап қайтты.

Бұл іс-шара балаларға қуаныш сыйлап, мейірімділік пен қамқорлықтың жарқын үлгісі болды. Болашақ ұрпақ тыныштық пен келісімде өмір сүріп, Отанын сүйетін, елінің жарқын болашағына үлес қосатын парасатты азаматтар болып қалыптасуына тілектеспіз! Балалардың дені сау болып, жүздерінен әрдайым күлкі кетпесін!Қазіргі таңда білім беру жүйесінің басты міндеттерінің бірі – барлық оқушыға тең мүмкіндік жасау, олардың ерекшеліктерін ескере отырып сапалы білім беру. Осы орайда, ерекше білім беруді қажет ететін оқушылар (ЕББҚО) мәселесі аса маңызды. Бұл санатқа есту, көру, сөйлеу қабілеті бұзылған, тірек-қимыл жүйесінде ақауы бар, психикалық дамуында ерекшелігі бар, сонымен қатар, зияткерлік немесе мінез-құлық ауытқуы бар балалар жатады. Мұндай балаларға білім беру барысында арнайы әдістер мен тәсілдер, жеке бағдарлама, білікті мамандар мен арнайы құрал-жабдықтар қажет.

ЕББҚО-ға инклюзивті білім беру жүйесі аясында ерекше көңіл бөлінуде. Инклюзивті білім беру – бұл барлық балалардың бірге оқуы, әлеуметтік ортада өздерін жайлы сезінуі және әрқайсысының даму мүмкіндігін толық ашуға жағдай жасау. Бұл бағытта мектептерде логопед, дефектолог, психолог мамандар жұмыс істейді, арнайы оқу жоспарлары жасалады. Сонымен қатар, ата-аналармен тығыз байланыс орнату, олардың баласының оқуына белсенді қатысуы да аса маңызды.

Қазақстанда инклюзивті білім беруді дамыту мақсатында заңнамалық негіздер қалыптасып, түрлі бағдарламалар жүзеге асырылуда. Мысалы, «Білім туралы» Заңда ерекше білім алуды қажет ететін балалардың құқықтары нақты көрсетілген. Мемлекет тарапынан осындай балаларды қолдауға арналған ресурстық орталықтар, түзету кабинеттері ашылып, мамандар даярлығы жолға қойылуда.

Дегенмен, ерекше білім беруді қажет ететін оқушылардың толыққанды білім алуына кедергі келтіретін мәселелер де бар. Атап айтсақ, кей мектептерде инклюзивті білім беру талаптарына сай инфрақұрылым жеткіліксіз, арнайы мамандар тапшылығы байқалады. Кей жағдайда қоғамда мұндай балаларға деген түсіністік пен қолдаудың аздығы да олардың әлеуметтенуіне қиындық туғызады.

Сондықтан, бұл бағытта жүйелі жұмыс атқарылып, барлық тараптар – мұғалімдер, ата-аналар, оқушылар мен мемлекет өзара тығыз қарым-қатынаста болуы тиіс. ЕББҚО үшін қолайлы орта қалыптастыру – тек білім беру жүйесінің емес, бүкіл қоғамның міндеті. Мұндай балаларға қолдау көрсету – адамгершілік пен гуманизмнің айғағы. Олар да толыққанды білім алуға, өз қабілетін ашуға және қоғам өміріне белсенді араласуға лайық.