Сауран ауданы білім бөліміне қарасты. Әйтеке би атындағы жалпы білім беретін мектебінде 26 мамыр күні қазақ тілі пәнінен аралық емтихан басталды.

Сауран ауданы білім бөліміне қарасты Әйтеке би атындағы жалпы білім беретін мектебінде 26 мамыр күні қазақ тілі пәнінен аралық емтихан басталды. Оқушылар өз білімдерін, тілдік дағдыларын және грамматикалық ережелерді қаншалықты меңгергендерін дәлелдеуде.

Емтихан оқушының білімін бағалаумен қатар, жауапкершілік пен тәртіпке баулитын маңызды кезеңдердің бірі.

Емтихан алудың басты мақсаты ана тілімізді құрметтеу, сауатты сөйлеу мен жазудың маңыздылығын сезіндіру.

Мемлекеттік тілімізді құрметтеп, оны жетік меңгеру — әрбір жас ұрпақтың парызы.

Әділдік пен тәртіп сақталған бұл емтихан оқушылар үшін үлкен тәжірибе, ал ұстаздар үшін кәсіби жауапкершіліктің айқын көрінісі болды.Қазақ тілі – қазақ халқының ана тілі, ұлттық мәдениет пен руханияттың негізі. Ол – қазақ халқының тарихын, салт-дәстүрін, дүниетанымын, ұлттық болмысын танытатын баға жетпес мұра. Мемлекеттік тіл мәртебесіне ие болған қазақ тілі – еліміздегі бірлік пен татулықтың, тәуелсіздік пен егемендіктің тірегі.

Қазақ тілі түркі тілдер тобына жатады. Оның түп-тамыры ежелгі түркі тілдерінен бастау алады. Тілдің тарихы терең, дамуы сан ғасырларға созылған. Абай, Шәкәрім, Мұхтар Әуезов, Мағжан Жұмабаев сынды ұлы тұлғалар қазақ тілінің байлығын, көркемдігін, тереңдігін өз шығармаларында көрсете білді.

Қазақ тілі – көркем әрі бейнелі тіл. Оның сөздік қоры өте бай, әрбір ұғымды сипаттайтын дәл, нақты сөздер бар. Мысалы, қазақ тілінде жылқы малының түр-түсін, мінезін, жасын сипаттайтын ондаған атау кездеседі. Бұл – тілдің көркемдік ерекшелігін, халықтың табиғатпен тығыз байланысын айғақтайды.

Тіл – ұлттың жаны. Тіл жоғалса, ұлт та жоғалады. Сондықтан қазақ тіліне деген құрмет әр азаматтың парызы. Елімізде қазақ тілін дамыту бағытында көптеген істер атқарылуда. Мектептерде, жоғары оқу орындарында қазақ тілі оқытылады, мемлекеттік мекемелерде іс қағаздары қазақша жүргізіледі.

Қазіргі таңда жастар арасында қазақ тіліне қызығушылық артып келеді. Көптеген кітаптар, фильмдер, телебағдарламалар қазақ тілінде жарық көруде. Бұл – қуантарлық жайт. Қазақ тілін дамыту – тек тіл мамандарының ғана емес, барша халықтың міндеті.

Қорытындылай келе, қазақ тілі – ұлттың айнасы, елдігіміздің белгісі. Оны сақтау, дамыту – келер ұрпақ алдындағы борышымыз. Ана тілімізді қадірлеп, құрметтеп, таза сөйлеу арқылы біз өз болашағымызға сенімді қадам жасаймыз.

Барша оқушыларға сәттілік тілейміз!