Іс-шара балалар үшін қызықты әрі есте қаларлықтай өтті. Олар уақыттарын пайдалы өткізіп, жақсы әсер алды. Осындай іс-шаралар балалардың демалуына, денсаулығын нығайтуға және бір-бірімен достық қарым-қатынас орнатуына ықпал етеді.
Жазғы лагерьдің басты пайдасы — бала тұлғасының жан-жақты дамуына жағдай жасауы. Лагерьде балалар жаңа достар тауып, ұжыммен қарым-қатынас жасауды, өз ойын ашық жеткізуді, тыңдай білуді үйренеді. Бұл – олардың коммуникативтік қабілеттерін дамытып, өзіне деген сенімділігін арттырады.
Сонымен қатар, лагерьлерде спорттық жарыстар, мәдени шаралар, шығармашылық үйірмелер ұйымдастырылады. Бұл баланың денсаулығын нығайтып қана қоймай, оның өнерге, спортқа деген қызығушылығын оятып, жасырын қабілеттерін ашуға көмектеседі. Табиғат аясында өтетін серуендер мен ойындар олардың бойына табиғатты сүю, оны аялау сезімін қалыптастырады.
Жазғы лагерь — тәртіп пен өзіндік жауапкершілікті үйрететін орта. Балалар белгілі бір күн тәртібімен өмір сүреді, бұл олардың уақытты дұрыс пайдалануға дағдыландырады. Ата-анасынан алыста болуы баланың дербес шешім қабылдауына, өз-өзіне қызмет етуіне ықпал етеді.
Қорытындылай келе, жазғы лагерь — баланың дамуына, денсаулығына, тәрбиесіне зор әсер ететін пайдалы мекен. Онда өткізілген уақыт бала жадында мәңгі сақталып, жаңа достар, жаңа әсерлер мен пайдалы дағдылар сыйлайды. Сондықтан әрбір ата-ана мүмкіндігінше баласын жазғы лагерьге жіберуге тырысқаны дұрыс.
