2025 жылғы 29 мамырда Түркістан қаласындағы №3 облыстық перинаталдық орталығында Қазақстан Республикасы Денсаулық сақтау вице-министрі Нұрлыбаев Ержан Шәкірұлының төрағалығымен «Ана мен бала денсаулығын сақтау – перинаталдық көмекті жетілдірудің өзегі» тақырыбында дөңгелек үстел өтті.
Іс-шараға Түркістан облысы әкімінің орынбасары Тәжібаев Бейсен Дәулетұлы, Облыстық денсаулық сақтау басқармасының басшысы Байдувалиев Асхан Мархабайұлы, сондай-ақ, еліміздің 20 өңірінен келген денсаулық сақтау басқармалары басшыларының орынбасарлары мен перинаталдық орталықтардың директорлары қатысты.
Дөңгелек үстелдің мақсаты ҚР ДСМ «Ана өлімін төмендету және аналарға медициналық көмекті жетілдіру бойынша 2025-2026 жылдарға арналған кешенді жоспары» аясында жүргізіліп жатқан шараларды талқылау және өңірлер арасындағы үздік тәжірибе алмасу. Отырыста медициналық көмекті ұйымдастыруды жетілдіру, кадрлық әлеуетті нығайту, инфрақұрылым мен материалдық-техникалық базаны жаңарту, инфекциялық бақылауды жетілдіру, цифрландыру және телемедицинаны дамыту, өңірлік үйлестіру мен тәжірибе алмасу сияқты негізгі бағыттар талқыланды.Телемедицина — бұл заманауи ақпараттық және коммуникациялық технологияларды қолдана отырып, медициналық қызметтерді қашықтықтан көрсету әдісі. Ол дәрігер мен науқастың физикалық тұрғыдан әр жерде болуына қарамастан, диагностика, емдеу, бақылау және кеңес беру жұмыстарын жүргізуге мүмкіндік береді.
Телемедицинаның басты артықшылығы — шалғай аймақтарда тұратын адамдардың білікті медициналық көмекке қол жеткізуі. Бұл әсіресе ауыл тұрғындарына, егде жастағыларға және қозғалысы шектеулі адамдарға тиімді. Телемедицина арқылы науқастар бейнеқоңырау, арнайы қосымшалар немесе порталдар арқылы дәрігермен байланыса алады.
Сондай-ақ, бұл әдіс уақыт пен қаражатты үнемдеуге, аурудың алдын алуға және созылмалы дерттерді тиімді басқаруға көмектеседі. COVID-19 пандемиясы кезінде телемедицина кеңінен қолданылып, оның маңыздылығы арта түсті.
Әрбір аймақ үшін облыстық перинаталдық орталықтардан жетекшілер бекітіліп, ұйымдастырушылық-әдістемелік көмек көрсету жолға қойылды. Қатысушылар №3 облыстық перинаталдық орталықтың құрылымдық бөлімшелері — ситуациялық орталық, телемедицина, неонаталдық және консультативтік-диагностикалық бөлімшелердің жұмысымен танысты.
Аталған шара өңірлер арасында тәжірибе алмасуға, медицина ұйымдары арасындағы өзара іс-қимылды нығайтуға және ана мен бала денсаулығын сақтау бойынша мемлекеттік саясатты тиімді жүзеге асыруға айрықша серпін берді.
ҚАЗАҚСТАН РЕСПУБЛИКАСЫНЫҢ ДЕНСАУЛЫҚ САҚТАУ ВИЦЕ-МИНИСТРІ ТҮРКІСТАН ОБЛЫСЫНЫҢ АКУШЕРЛІК-ГИНЕКОЛОГИЯЛЫҚ ҚЫЗМЕТІМЕН ТАНЫСТЫ.
