Сауран аудандық емханасында «ДАМУ ЖӘНЕ ЕРТЕ АРАЛАСУ ОРТАЛЫҒЫНЫҢ» ашылу салтанаты өтті.
Емханаға Түркістан облысы Денсаулық сақтау басқармасы басшысының ана мен бала денсаулығын қорғау жөніндегі орынбасары М.Мамбетова, Түркістан облысы Денсаулық сақтау басқармасының штаттан тыс бас акушер-гинеколог дәрігері А.Андабасованың келіп қатысуымен, орталық қызметі ашылды. «Даму және ерте араласу орталығының» қызметі балалар арасында медициналық, әлеуметтік тәуекелдерді және өмірінің ерте кезеңінде даму ауытқуларын уақтылы анықтау, жан-жақты көмек көрсетуге бағытталған. Орталықта жаңа туған нәрестелер мен ерте жастағы балаларға аудиологиялық және психофизикалық скринингтік тексерулер жүргізу, тұрмыстық зорлық зомбылық пен балаға қатыгездіктің алдын алу, сонымен қатар баланы дұрыс тамақтандыру жөніндегі ұсынымдар бойынша жұмыстар жүргізіледі. Сонымен қатар, «Даму және ерте араласу орталығында» жүкті әйелдер мен бес жасқа дейінгі балаларды әмбебап және прогрессивті патронаждық бақылаудың супервизиясы жүзеге асырылады. Аудандық емханада 2024 жылы «Балалық шақтағы ауруларды ықпалдастыра емдеу» бағдарламасы және «Ерте жастағы балаларға патронаждық қызмет көрсетудің әмбебап прогрессивті моделі» бағдарламасы бойынша 55 орта медицина қызметкері, 2025 жылы 43 орта медицина қызметкері біліктілігін арттырудан өткізілген. Нәтижесінде балаларға көрсетілетін педиатриялық көмектің тиімділігі мен қолжетімділігі артып отыр.
