Адам құқығының басты түрлеріне өмір сүру құқығы, білім алу, еңбек ету, еркін пікір білдіру, заң алдында тең болу және жеке басының бостандығы жатады. Мысалы, әрбір азамат білім алуға құқылы, денсаулығын қорғауға, еркін жүріп-тұруға, мамандық таңдауға ерікті. Сонымен қатар, мемлекет азаматтардың құқығын қорғауға міндетті.
Алайда құқықпен қатар міндеттер де бар. Әр адам заңды сақтауға, басқа адамдардың құқығына құрметпен қарауға, қоғамның дамуына үлес қосуға, табиғатты қорғауға, салық төлеуге және Отанды қорғауға міндетті. Бұл – қоғамдағы тепе-теңдікті сақтайтын басты шарт.
Құқық пен міндет өзара тығыз байланысты. Тек құқықтарын пайдаланып, міндеттерін орындамаса, қоғамда әділдік болмайды. Мысалы, әркімнің білім алуға құқығы бар, бірақ сонымен бірге ол оқу процесіне адал қатысып, тәртіп ережелерін сақтауға міндетті. Әркімнің пікір айтуға құқығы бар, бірақ ол сөз басқа біреудің намысына тиіп, заңды бұзбауы керек.
Сондықтан әрбір азамат өз құқықтарын да, міндеттерін де толық білгенде ғана саналы, мәдениетті қоғам құрылады. Құқықтық сауаттылық – бүгінгі күннің талабы. Өз құқығын білген адам өзін қорғай алады, ал міндетін орындаған адам қоғамға пайда әкеледі. Бұл – мемлекет пен халықтың тұрақты дамуының кепілі.
«Отбасы күні»
Оқушылар отбасылық құндылықтар туралы әңгімелесіп, ата-аналарына арналған алғыс хаттар мен шығармалар жазды. Отбасы – тәрбиенің алғашқы және маңызды ордасы екені ерекше аталып өтті.
