Сауран ауданы білім бөліміне қарасты,«Ұлықбек атындағы жалпы білім беретін мектеп» коммуналдық мемлекеттік мекемесінде 1- 4 сыныптар арасында кәсіби бағдар берудің алғашқы шарттары бойынша іс шара ұйымдастырылды. (Ата – аналардың қатысуымен ашық сабақтар мен сынып сағаттары, жеке консултациялар). «Жұмысшы мамандықтар жылы» аясында 4 сынып оқушылары арасында «Кім боламын» тақырыбында сайыс ұйымдастырылды. Мақсаты – о қушылардың ойлау қабілеттерін дамыта отырып, болашақ мамандыққа байланысты ұғымдарын тереңдетіп, қызығушылықтарын арттыру. Жұмыстың мазмұнымен, мағынасымен айрықшаланатын мамандық әлемінің түрлілігі туралы түсінік қалыптастыру. Оқушылардың бойына жақсы қасиеттерді сіңіру, мамандық таңдай білуге, еңбексүйгіштікке тәрбиелеу. Іс шара сайыс түрінде ұйымдастырылды. Сайыс 3 кезеңнен құралды. Бірінші кезең «Мамандықтармен танысамыз» тақырыбында, екінші кезең сурет арқылы мамандықты тану, үшінші кезең мамандық бойынша шығармашылық жұмыс (сахналық көрініс). 4 «А» «Б» «Б» «Г» сынып оқушылары қызыққан мамандықтары бойынша бақ сынады және мектепішілік мақтау қағаздарымен марапатталды. Бас жүлде 4 «А», бірінші орын 4 «Б», екінші орын 4 «Г», үшінші орын 4 «В».
Қазіргі таңда еліміздің экономикасы мен қоғамының дамуы білікті жұмысшы мамандарға тікелей байланысты. «Жұмысшы мамандық жылы» деп жариялануы – осы саладағы еңбек адамдарына деген құрмет пен қолдаудың айқын көрінісі. Бұл бастама арқылы мемлекет жастарды қол еңбегіне, нақты кәсіп иесі болуға, адал еңбектің қадірін түсінуге шақырады.
Жұмысшы мамандық иелері – елдің дамуының негізгі тірегі. Олар зауытта, фабрикада, құрылыс алаңында, ауыл шаруашылығында, көлік пен байланыс саласында еңбек етіп, қоғамның тыныс-тіршілігін қамтамасыз етеді. Әрбір ғимарат, жол, техника немесе тұрмыстық құрал – олардың маңдай терінің нәтижесі. Сондықтан жұмысшы еңбегін бағалау – ел болашағын бағалау деген сөз.
Бүгінгі таңда жұмысшы мамандықтарға деген сұраныс күннен күнге артып келеді. Заманауи технологиялар мен өндіріс салалары жаңа білім мен тәжірибені талап етеді. Осыған байланысты кәсіби-техникалық білім беру жүйесін жетілдіру, жастарды өндірістік тәжірибеге бейімдеу – басты міндеттердің бірі.
Жұмысшы мамандық жылы – жас ұрпақтың еңбекке деген сүйіспеншілігін арттыруға үлкен мүмкіндік. Бұл жыл еңбек адамдарының қоғамдағы беделін көтеріп, олардың еңбегін құрметтеуді насихаттайды. Нағыз табыс пен жетістік – адал еңбек пен өз ісіне деген сүйіспеншілікте екенін ұғындырады.
Қорыта айтқанда, жұмысшы мамандықтарын дәріптеу – ел болашағы үшін маңызды қадам. Себебі еңбек адамы – қоғамның жүрегі, ал олардың еңбегі – елдің өркендеу кепілі.
