Жиналыстың мақсаты – жасөспірімдерге нашақорлықтың қауіптілігін ұғындыру және салауатты өмір салтын насихаттау болды.Нашақорлық – бүгінгі қоғамның ең өзекті әрі қауіпті мәселелерінің бірі. Бұл дерт жеке адамның өмірін ғана емес, бүкіл қоғамның дамуын тежейді. Нашақорлыққа бой алдырған адам өз денсаулығын, отбасын, болашағын құртады. Есірткіге тәуелділік адам миының жұмысын бұзып, жүйке жүйесін зақымдайды, соның салдарынан адам ерік-жігерінен айырылады.
Нашақорлықтың негізгі себептері – қызығушылық, достардың ықпалы, өмірдегі қиындықтардан қашу, бос уақытты дұрыс пайдалана алмау. Кей жастар есірткіні сән немесе еркіндіктің белгісі деп түсінеді, бірақ шын мәнінде ол – құлдықтың ең ауыр түрі. Бір рет қолданған адамның өзі кейін тәуелділікке ұшырауы мүмкін.
Мемлекет деңгейінде нашақорлықтың алдын алу үшін түрлі бағдарламалар мен түсіндіру шаралары жүргізілуде. Мектептер мен жоғары оқу орындарында дәрістер, кездесулер өткізіліп, жастарға есірткінің зияны туралы кеңінен мәлімет беріледі. Полиция қызметкерлері де қоғам арасында профилактикалық жұмыстар жүргізіп, заңсыз айналымға қарсы күресті күшейтіп отыр.
Әр адам өз денсаулығы мен болашағына жауапты екенін түсінуі керек. Есірткіден аулақ болу – өмірге деген құрмет пен өз-өзіне деген сенімнің белгісі. Денсаулық – баға жетпес байлық, ал нашақорлық – сол байлықты жоятын қауіпті жол. Сондықтан да біз бәріміз бірігіп, салауатты өмір салтын ұстанып, нашақорлыққа қарсы күресті күшейтуіміз қажет.
