Жедел жәрдем бригадасы дер кезінде көмек көрсетті!Жіті коронарлы синдром ST сегментінің жоғарылауымен, кардиогенді шок диагнозы қойылып, алғашқы көмек дер кезінде көрсетілді.Жіті коронарлы синдром (ЖКС) — жүрек бұлшықетіне қан жеткізу күрт бұзылған кезде дамитын жедел патологиялық жағдайлар тобы. Ол көбіне жүрек артерияларының атеросклероздық бляшкамен бітелуі немесе тромб түзілуі салдарынан пайда болады. Бұл жағдай жүрекке оттегінің жеткіліксіздігін туындатып, миокард некрозына — яғни жүрек бұлшықетінің өліеттенуіне әкеледі.
ЖКС екі негізгі түрге бөлінеді:
1. ST сегменті көтерілген миокард инфаркті (STEMI);
2. ST сегменті көтерілмеген миокард инфаркті немесе тұрақсыз стенокардия (NSTEMI/UA).
ST сегментінің маңызы
Электрокардиограммада (ЭКГ) ST сегменті — қарынша деполяризациясы мен реполяризациясының арасындағы кезеңді көрсететін бөлік. Бұл сегменттің өзгерісі жүректегі ишемия немесе инфаркт барысын анықтауда маңызды көрсеткіш болып табылады. Егер ST сегменті көтерілсе, онда миокардтың бір бөлігі толық ишемияда екендігін және тромб артерияны түгел бітегенін білдіреді. Ал ST сегменті көтерілмеген жағдайда артерия ішінара бітелген, ишемия аймағы шектеулі болады.
ST сегменті көтерілген инфаркт (STEMI) кезінде науқаста кеуде тұсында қысатын, күйдіріп ауыртатын ауырсыну пайда болады. Бұл ауырсыну сол қолға, жауырынға, мойынға берілуі мүмкін. Көбінесе тершеңдік, әлсіздік, қорқыныш сезімі қатар жүреді. ЭКГ-да ST сегментінің жоғарылауы анық байқалады. Мұндай жағдайда тромбты еріту немесе артерияға стент қою арқылы қан айналымын тез қалпына келтіру қажет.
ST сегменті көтерілмеген түрі (NSTEMI немесе тұрақсыз стенокардия) кезінде ST сегменті қалыпты немесе төмен түсіп, Т тісі инверсияланады. Бұл жағдайда да миокард зақымдалады, бірақ артерия толық бітелмеген. Диагностикада тропонин деңгейін анықтау маңызды рөл атқарады.
Қорытындылай келе, ST сегментінің өзгерісі — жіті коронарлы синдромды анықтаудың негізгі электрокардиографиялық белгісі. ST сегменті көтерілген кезде толық артериялық бітелу және ауыр инфаркт дамиды, ал көтерілмеген түрінде жартылай ишемия байқалады. Ерте диагностика мен жедел ем (тромболизис, ангиопластика, антиагреганттар) науқастың өмірін сақтауда шешуші рөл атқарады.
