ЖЕР ҚАТЫНАСТАРЫ БӨЛІМІНІҢ ҚЫЗМЕТ КӨРСЕТУ САПАСЫНА ҚОҒАМДЫҚ БАҚЫЛАУ ЖҮРГІЗІЛДІ.

Қоғамдық бақылау Түркістан қаласы әкімдігіне қарасты Жер қатынастары бөліміне ағымдағы жылдың 16 маусымында жүргізілді. Өткізілген іс –шараның негізгі мақсаты –көрсетілетін қызметтердің сапасын арттыру бойынша ұсыныстар беру, сонымен қатар, анықталған бұзушылықтарды жою болатын, «Халық үніне құлақ асатын мемлекет» тұжырымдамасына сәйкес жұмыс істеуді, азаматтардың өтініштеріне уақытылы және сапалы қызмет көрсету қажеттігі және мүмкіндігі шектеулі адамдардың қызмет алуы кезінде оларға қажетті жағдайлар жасалуы /шақыру тетігінің болуы/, қызмет алушылардың өтініштеріне сапалы жауап беру, өзіне-өзі қызмет көрсету бұрышы және тағы басқа мәселелер қаралды. Сонымен қатар, орын алған кемшіліктерді жою ұсынылды.«Халық үніне құлақ асатын мемлекет» – бұл Қазақстан Президенті ұсынған, мемлекеттік басқарудың жаңа мәдениетін қалыптастыруға бағытталған маңызды концепция. Бұл идеяның негізгі мақсаты – билік пен халық арасындағы ашық байланыс орнатып, азаматтардың сұранысына дер кезінде жауап беру, қоғамдағы әділдік пен сенімді арттыру.

Президенттің айтуынша, заманауи мемлекет тек заңдар мен бағдарламалармен ғана басқарылмайды, ол ең алдымен халықтың күнделікті мәселесін тыңдап, шынайы кері байланыс арқылы жұмыс істеуі тиіс. Сондықтан да мемлекеттік органдардың басты міндеті – азаматтардың өтінішіне жедел әрекет ету, әлеуметтік проблемаларды шешуде созбалаңдыққа жол бермеу, шенеуніктердің жауапкершілігін күшейту.

Бұл тұжырымдама бойынша мемлекеттік аппарат бұрынғыдай жабық жүйе емес, қоғаммен тікелей байланыста болатын ашық институтқа айналуы қажет. Президент «халықтың үнін есту – реформалардың негізі» екенін атап өтті. Өйткені, елдің дамуы әр азаматтың әл-ауқаты мен көзқарасына байланысты.

Халық үніне құлақ асатын мемлекет құру үшін бірнеше бағыт айқындалған:
– ашықтық пен жариялылықты кеңейту;
– әлеуметтік мәселелерге жедел реакция беру;
– цифрлық платформалар арқылы халықпен байланыс орнату;
– әділдік принципін күшейту, заң алдында теңдікті қамтамасыз ету;
– жергілікті атқарушы органдардың жауапкершілігін арттыру.

Бұл бастама халықтың билікке деген сенімін нығайтып, мемлекет пен қоғам арасындағы алшақтықты азайтуға бағытталған. Президенттің көздегені – әр азаматтың үні естілетін, талабына құлақ асатын, жауапкершілікті, әділ және тиімді мемлекет қалыптастыру.