2025 жылдың басынан бері Түркістан қаласында әлеуметтік әлсіз топтарды қолдау бағытындағы жұмыстар жүйелі түрде жалғасып келеді. Нәтижесінде 1329 отбасы немесе 8442 тұрғынға атаулы әлеуметтік көмек тағайындалды. Бүгінгі таңда қаладағы кедейлік деңгейі 3,5 пайызды құрап отыр.
АӘК алушылардың ішінде:
• 843 отбасы (6028 адам) – шартты атаулы әлеуметтік көмекке,
• 486 отбасы (2414 адам) – шартсыз атаулы әлеуметтік көмекке ие болды.
Сонымен қатар, 1-6 жас аралығындағы балаларға қосымша әлеуметтік қолдау шаралары жалғасуда. Биыл 1225 отбасының 2596 баласына төлемдер тағайындалды.
Демеушілік және қайырымдылық ұйымдарының қолдауымен 915 отбасыға қажетті әлеуметтік көмектер көрсетілді.
Қазіргі таңда Түркістан қаласында кедейшілік шегі – 38 776 теңге, ал күнкөріс деңгейі – 52 394 теңге мөлшерінде белгіленген.
Көпбалалы аналарды қолдау — әлеуметтік саясаттың басым бағыттарының бірі. Бүгінгі таңда қалада 15 735 көпбалалы ана есепте тұр. Оның ішінде:
• 1098 – «Алтын алқа» иегерлері.
• 2364 – «Күміс алқа» иегерлері.
• 71 – «Батыр ана».
• 92 – I-II дәрежелі «Ана даңқы» орденімен марапатталғандар.
• 12 110 – 18 жасқа дейінгі төрт және одан көп баласы бар аналар.Әлеуметтік қолдау – бұл мемлекет пен қоғамның азаматтардың өмір сапасын жақсартуға, қиын жағдайдан шығуға, тұрақты тіршілік етуіне көмектесу мақсатындағы жүйелі шаралар жиынтығы. Ол халықтың әлеуметтік осал топтарына – аз қамтылған отбасыларға, көп балалы аналарға, мүгедектігі бар адамдарға, қарттарға, жұмыссыздарға көрсетілетін материалдық, психологиялық және құқықтық көмек түрлерін қамтиды.
Әлеуметтік қолдаудың негізгі мақсаты – әр адамның қоғамда өз орнын табуы, лайықты өмір сүру деңгейін қамтамасыз ету, қиындықтарға төтеп беру мүмкіндігін арттыру. Мемлекет бұл қолдауды жәрдемақылар, төлемдер, жеңілдіктер, қызметтер арқылы жүзеге асырады. Мысалы, атаулы әлеуметтік көмек, көп балалы аналарға арналған төлемдер, мүгедектігі бар азаматтарға жәрдемақы, тұрғын үй көмегі – барлығы осы жүйенің бөлігі.
Сонымен бірге әлеуметтік қолдау тек материалдық көмекпен шектелмейді. Әлеуметтік қызметкерлердің кеңесі, психологиялық көмек, еңбекпен қамту бағдарламалары, кәсіби оқыту да азаматтардың өмірін жақсартуға бағытталған маңызды шаралар.
Қорытындылай келе, әлеуметтік қолдау – қоғамның әл-ауқаты мен тұрақтылығын қамтамасыз ететін негізгі механизмдердің бірі. Ол әрбір адамның қиын жағдайда жалғыз қалмауына, ал мемлекет тарапынан қамқорлықтың бар екенін сезінуге мүмкіндік береді.
ТҮРКІСТАНДА ӘЛЕУМЕТТІК ҚОЛДАУ ЖҰМЫСТАРЫ ЖҮЙЕЛІ ТҮРДЕ ЖҮРГІЗІЛУДЕ.
