«Діни экстремизм мен терроризмнің алдын алу мәселелері» атты діни қызметкерлердің кәсіби қайта даярлау және біліктілігін арттыру семинары.
Шымкент қаласының дін істері басқармасының ұйымдастыруымен 2022 жылғы 25-26 маусым күндері «Діни экстремизм мен терроризмнің алдын алу мәселелері» атты діни қызметкерлердің кәсіби қайта даярлау және біліктілігін арттыру семинары өтті.
Семинарды Шымкент қаласының бас имамы Бақдәулет қажы Абдрахманов пен Шымкент қаласы дін істер басқармасының басшысы Әлжан Тұяқбаев ашып, бірқатар лектордардың баяндамасымен жалғасты.
Атап айтқанда, дін саласындағы Республикалық ақпараттық-түсіндіру тобының мүшесі, дінтанушы — Бесбаев Мәди Әбзелбекұлы, Оңтүстік Қазақстан мемлекеттік педагогикалық университеті “Рухани жаңғыру және тәрбие бөлімінің басшысы, тарих ғылымдарының кандидаты, Шымкент қаласы ақпараттық- түсіндіру тобының мүшесі — Анарбаев Қайрат Сапарханұлы, Шымкент қаласы «Байғұт баба» мешітінің бас имамы, ҚМДБ-ның РАНТ мүшесі — Желеуов Дастан Сүлейұлы, М.Әуезов атындағы Оңтүстік Қазақстан университеті Заң факультеті Халықаралық қатынастар және халықаралық құқық каферасының меңгерушісі, Ph.D (халықаралық құқық) — Бекбосынов Ермек Төленұлы, Шымкент орталық мешітінің ұстазы, ҚМДБ-ның РАНТ мүшесі — Нұрсұлтан Мамедалиев, Шымкент қаласы бас имам орынбасары, дінтанушы-магистр — Мұхамеджан Естеміров сынды лекторлардың қатысуымен өтіп, терроризм мен экстремизмге қарсы тұрудың айқын факторлары ретінде олардың мемлекет аумағында пайда болуының алдын алу үшін әлеуметтік-саяси, экономикалық, мәдени жағдайларды тудыру керек. Сол себепті бұл мәселені шешуге барлық мемлекет пен қоғамда бар мүмкіндіктердің тұтас кешенін пайдалану керек екендігі айтылды.
Шараға Дін істер басқармасының басшылығы, қаламыздың мешіт имамдары, мешіт ұстаздары және Шымкент медресе колледжінің ұстаздары, жалпы саны 250 адам қатысып, тақырып аясындағы мәселелер талқыланды.
Өткен орны: Шымкент орталық мешіті
