Түркістан облысы Отырар ауданы Балтакөл, Ақкөл ауылдарында Жаңа Қазақстанның лебі көрініс алуда.
Балтакөл ауыл округінің әкімі Әтелов Сейітхан Айдарханұлы және Аманат партиясының депутаты Акинбеков Бекман Абдарашитұлының бірлесуімен бірқатар игі істер орын алуда.
Жүзеге асырылып жатқан жұмыстарға аудандық партия филиалы партиялық бақылау комиссиясының төрағасы Орынбасарұлы Нұржан,партия филиалының төрағасы Жамалханұлы Уалихан, қоғам белсендісі Ерхожаныңұлы Әлқожа, партия филиалының атқарушы хатшысы Құралбекұлы Еркеғали бақылау жүргізіп қайтты.
Соның бірі Ақкөл ауылында былтыр қайта қолға алынған 100 орындық бастауыш мектептің құрылысы. Мердігерлердің айтуы бойынша бұл жоба биылғы жылы күзде пайдалануға берілуі тиіс екен, алайда жалпы құрылыс жұмыстарын мамыр айының соңына дейін аяқтауды көздеп отырғаны жайлы жеткізді.
Ақкөлде Президент Қасым -Жомарт Кемелұлының тапсырмасына сәйкес «Аманат» партиясының сайлау алды бағдарламасына енгізілген ауыз сумен қамту жұмыстары басталған, су барлау шаралары жүзеге асуда.Нақты су сапасы мен көзі белгілі болып, сараптама қортындысы шыққан соң ауылды ауыз сумен қамту толық қанды қолға алынады . Жалпы 2025 жылы ауылға ауыз су берілу керек.
Сондай-ақ Балтакөл ауылындағы Құрбан ата көшесі бойында ауыл тұрғындарымен ауыл ақсақалдарының бата беруімен және төселіп жатқан асфальттің сапасына баға берілді.
