ТҮРКІСТАН:МЕМЛЕКЕТТІК БАҒДАРЛАМА — ҚОЛАЙЛЫ МҮМКІНДІК

 Аудандық ішкі саясат бөлімі «Жастар ресурстық орталығы» КММ-нің мамандары мемлекеттік бағдарламаларды насихаттау мақсатында жастар көп шоғырланатын орындарында түсіндірме жұмыстарын жүргізіп, сауалнама мен арнайы үнпарақтарын таратты.

 Іс-шараның мақсаты — жастарды мемлекеттік бағдарламалар мен жобалар туралы және мамандық таңдау мәселелері бойынша кеңес беріп және жастарды жұмысқа орналастыру және кәсіптік бағдар беруге дайындау туралы ақпарат беру болып табылады.

 Жастарға жан-жақты қолдау көрсету – мемлекетіміздің басты міндеттерінің бірі. Жастарды еңбекпен қамтитын түрлі шаралар, мемлекеттік бағдарламалар арқылы жастарға қолайлы мүмкіндіктер алаңы ашылуда. Білім алып, белгілі бір маман иесі атанған және өз кәсібін ашып шаруасын ілгері жылжытуға ниеттенген жастар үшін мемлекеттік бағдарламалардың тиімді тұстары мол болмақ.

Жастар – кез келген елдің болашағы. Сондықтан Қазақстанда жас ұрпаққа жан-жақты қолдау көрсету мемлекеттік саясаттың негізгі басымдықтарының бірі болып табылады. Ел жастарының дамуына мүмкіндік жасау, олардың білім алуына, кәсіппен айналысуына және шығармашылық қабілеттерін дамытуына жағдай туғызу – тұрақты жүзеге асырылып келе жатқан маңызды міндеттер қатарында.

Мемлекет басшысы Қасым-Жомарт Тоқаев бірнеше рет жастарға қолдау көрсетудің маңыздылығын атап өткен. Президенттің айтуынша, жас ұрпақтың әлеуетін толыққанды пайдалану үшін оларға сапалы білім, лайықты жұмыс және қолайлы әлеуметтік орта қажет. Осы мақсатта елімізде «Жастар жылы», «Жастар – ел болашағы» сияқты бастамалар жүзеге асырылып, жастардың өмір сапасын жақсартуға бағытталған ірі жобалар қолға алынуда.

Сонымен қатар, «Дипломмен – ауылға», «Жасыл ел», «Болашақ» бағдарламалары жас ұрпақтың кәсіби дамуына мүмкіндік беріп, оларды ел игілігі жолында жұмыс істеуге ынталандырады. 2024 жылы қабылданған жаңа реформалар аясында жастарға арналған гранттық бағдарламалар мен жеңілдетілген несие беру механизмі де іске қосылды. Бұл жастардың бизнес бастауына, жұмыс орындарын ашуына үлкен серпін бермек.

Бұдан бөлек, жастардың әлеуметтік жағдайын жақсарту үшін тұрғын үй мәселесін шешуге ерекше көңіл бөлінуде. Мысалы, «Отбасы банк» арқылы жас отбасыларға жеңілдетілген ипотекалық бағдарламалар ұсынылуда. Жастарға арналған мәдени, спорттық және білім беру іс-шаралары да тұрақты түрде ұйымдастырылып келеді.

Мемлекеттің жастарға деген қолдауы олардың білімді, бәсекеге қабілетті, өз еліне адал азамат болып қалыптасуына бағытталған. Бұл саясаттың нәтижесінде жас қазақстандықтар өз мүмкіндіктерін толыққанды жүзеге асырып, елдің дамуына үлес қосатынына сенім мол. Еліміздің жарқын болашағы үшін жастарға қолдау көрсету жалғаса бермек.