Билік пен халық бірлесе жұмыс атқарса ғана аймақ дамымақ.

Кезекті аудан халқымен кездесу Түлкібас ауданында өтті. Кездесуде ауданды дамыту бойынша атқарылған жұмыстар туралы баяндап, алдағы жоспарлармен бөлісті Дархан Амангелдіұлы. Түлкібастықтардың ұсынысын тыңдап, сұрақтарына жауап берді.

Нәтижеге қол жеткізу үшін әкімдіктер мен халық бірлесе жұмыс істеуі керек. Мысалы, елімізде «Таза Қазақстан» акциясы жүріп жатыр. Өкінішке қарай, әзірге негізінен бюджеттік мекеме қызметкерлері ғана белсенді атсалысуда. Күл-қоқысты көріп өскен бала оны қалыпты жағдай деп қабылдауы мүмкін. Сондықтан қоршаған ортаны таза ұстап, тұтас ел болып үлгі көрсетуіміз керек -деді облыс әкімі. Таза елге береке келеді, тұрақты елге инвестиция тартылады. Осы бағытта бірлесе жұмыс істеуге шақырды. Түлкібас ауданының мүмкіндігі жоғары. Өндірісті, туризмді дамытуға қолайлы. «Ауыл – Ел бесігі» жобасы аясында Түлкібас ауданында былтыр 9 елді мекенде 20 жоба іске асты. Атап айтқанда, Майтөбе және Азаттық елді мекендеріндегі 50-ге жуық көшеге орташа жөндеу жұмыстары жүргізілсе, Ынтымақ елді мекеніндегі мектеп күрделі жөндеуден өтуде, биыл пайдалануға тапсырылады. Таусағыз елді мекенінде 150 орынға арналған мектептің қосымша корпусы пайдалануға тапсырылды. Ақбиік, Келтемашат, Рысқұл, Шұқырбұлақ елді мекендерінде фельдщерлік-акушерлік пункттердің құрылысы жүргізілді. Кершетас елді мекенінде мәдениет клубы салынып, пайдалануға берілді. Өткен жылы «Ауыл аманаты» жобасы бойынша 243 жоба қаржыландырылды. Сондай-ақ «Дипломмен ауылға» бағдарламасы бойынша ауылдық жерлерге жолданған жас мамандарға қолдау көрсету мақсатында 59 маманға жәрдемақы, 10 маманға тұрғын үй сатып алу үшін бюджеттік несиелер берілді. Илон Масктың «Starlink» спутниктік интернет құрылғысын орнату жұмыстары басталып, Түлкібас ауданында 31 мектепте толық іске қосылды.

Жалпы, Түлкібас ауданының негізгі әлеуметтік-экономикалық даму көрсеткіштерінде өсім бар. Шағын және орта бизнес субъектілерінің саны соңғы 3 жылда 9 мыңнан асты. Өнеркәсіп өнімінің көлемі 15 млрд.теңгеден асты. Құрылыс жұмыстарының көлемі де артқан.Қазақстан Республикасының Президенті Қасым-Жомарт Тоқаев өз жолдауларында халық үніне құлақ асатын мемлекет құру идеясын бірнеше рет атап өткен болатын. Бұл бастама қоғам мен билік арасындағы байланыс сапасын жақсартуға, азаматтардың сұраныстары мен мәселелерін шешуге бағытталған. 2024 жылғы Жолдауда да Президент осы идеяны жетілдіру қажеттігін ерекше атап өтті. Естуші үкімет – бұл қоғамдағы әділеттілік пен ашықтықты қамтамасыз ететін тиімді мемлекеттік басқару жүйесі.

Естуші үкіметтің негізгі қағидалары
Естуші үкіметтің басты мақсаты – халықтың мұң-мұқтажын түсініп, оны шешу жолында нақты іс-қимылдарды жүзеге асыру. Президент өз сөзінде халықпен тікелей байланыс орнату, олардың пікірін ескеру, әлеуметтік әділеттілікті нығайтуға ерекше назар аударды. Бастаманың негізі – мына қағидаларға сүйенеді:

1. Ашықтық пен жауапкершілік. Мемлекеттік органдар өз қызметтерін ашық жүргізіп, азаматтардың сұрақтарына нақты жауап беруі тиіс. Бұл қадам қоғамның билікке деген сенімін арттыруға септігін тигізеді.

2. Тез әрі сапалы шешім қабылдау. Халық көтерген мәселелерді уақытында шешу мемлекеттік органдардың басты міндеті болуы керек. Президент әрбір мемлекеттік органның азаматтардың шағымдары мен ұсыныстарын мұқият қарауы қажет екенін айтты.

3. Халықтың қатысуы. Азаматтар елдегі маңызды шешімдерді қабылдауға, заңнамалық бастамаларға тікелей қатысуы тиіс. Бұл қоғамдық кеңестердің жұмысын күшейтуді және онлайн платформалар арқылы пікірлерді жинауды көздейді.

 

Естуші үкіметті іске асыру қадамдары
Президент жолдауында естуші үкімет қағидаларын нақты іске асыру үшін бірнеше бастама көтерілді:

Цифрлық шешімдерді дамыту. «E-Otinish» жүйесінің ауқымын кеңейту және халықтың барлық өтініштерін уақытында қарау маңызды. Бұл платформа мемлекеттік органдардың жұмысын айқын әрі қолжетімді етеді.

Азаматтарды қабылдау. Мемлекеттік органдар басшыларының ай сайын халықты жеке қабылдауын ұйымдастыру міндеті жүктелді. Әрбір азамат өзінің мәселесінің шешімін табатынына сенімді болуы тиіс.

Жергілікті басқаруды күшейту. Әкімдер халықпен тікелей жұмыс істеп, жергілікті деңгейдегі мәселелерді уақытында шешуге жауапты болады. Бұл әсіресе ауыл-аймақ тұрғындарының жағдайын жақсартуға ықпал етеді.

Естуші үкімет – әділетті қоғамның негізі
Президенттің жолдауында бұл бастаманың басты мақсаты – халықтың әл-ауқатын арттыру және елде әділетті қоғам құру екенін атап өтті. Азаматтардың мемлекеттік саясатқа қатысуы және олардың пікірімен санасу елдің тұрақты дамуына жол ашады. Әділетті қоғамда ешкімнің құқығы бұзылмайды, әрбір азамат өзін қауіпсіз әрі құрметке ие сезінеді.

Халық үнін есту – тұрақтылықтың кепілі
Естуші үкімет идеясы – ел дамуының стратегиялық бағыты. Президент жолдауында халықпен байланыс орнатудың тек техникалық емес, адамгершілік аспектісіне де назар аудару қажеттігін айтты. Бұл – шенеуніктердің тек бұйрық орындаушы ғана емес, халықтың сеніміне лайықты қызметкер болуы керек дегенді білдіреді.

Қорытынды
Естуші үкімет – жаңа заманның талабына сай, азаматтардың мүддесін басты орынға қоятын басқару үлгісі. Президент бастамасы қоғамдағы теңдік, әділеттілік және сенім қағидаларына негізделген заманауи мемлекетті қалыптастырудың маңызды қадамы болып табылады. Ендігі кезекте, бұл жүйені іске асыруда мемлекеттік органдар мен азаматтардың белсенділігі қажет. Тек бірлескен күш-жігердің арқасында халық үніне құлақ асатын мемлекет құруға болады.