Түркістан қаласында жаңа ғимарат» Жастар ресурстық орталығы» қолдануға берілді
Түркістан қаласы жастарға арналған тағы бір жаңа ғимаратпен толықты. Бүгін Жастар орталығының ғимаратын пайдалануға берді .Жаңа Қазақстанның жарқын болашағы-өнерлі жастардың қолында. Жастар қоғамымыздың жүрек дүрсілі. Ертеңді болжау үшін алдымен бүгінгі күнге мән беру керек.
Түркістан облысы – демографиялық жағынан өсімі жоғары аймақ. Соның ішіндегі 14-35 жас аралығындағы жастар саны 663 мыңнан асып, халық санының 30% құрайды. Түркістан қаласының өзінде бүгінде 72 мыңға жуық жас тұрады. Бұл – үлкен демографиялық көрсеткіш және адами капитал. Биыл Түркістан облысының құрылғанына 6 жыл толып отыр. Осы аз ғана уақыт ішінде Түркістан қаласында жастарға қолайлы жағдайлар жасау мақсатында түрлі мәдени, спорттық нысандар бой көтерді. Соның бірі, міне, бүгінгі Түркістан қаласының «Жастар ресурстық орталығының ғимаратының» ашылу салтанаты өтті. Заманауи үлгіде салынған ғимаратта жастардың білімін арттыруға, салауатты өмір салтын ұстануға,өнерлерін шыңдауға, шығармашылықпен айналысуға барлық жағдай жасалған.
Бұл ғимарат Түркістан жастарына шабыт беріп, елге қызмет ететін жастарды біріктіретін орталық болады деген үміттеміз. Жастардың ғимараты құтты болып, бастамашыл орталыққа айнала берсін!
Жастар орталығына арналған бұл нысан жергілікті бюджет есебінен бой көтерді. Сәулеті мен салтанаты келіскен ғимарат тәулігіне 100-ден аса жастарымызға қызмет көрсетеді. Онда жастардың білімін арттыруға, салауатты өмір салтын ұстануға, шығармашылықпен айналысуға барлық жағдай жасалған.
Ашылу салтанатында қызыл лентаны Түркістан облысының әкімі Дархан Амангелдіұлы және Түркістан қаласының қариялары кесіп, жастарға бата беріп, жастармен шахмат ойынында бақ сынасып, сәттілік тілеп қайтты.
