2025 жылдың мамыр айында Түркістан облысы, Созақ ауданына қарасты Ащысай ауылындағы №7 жалпы орта мектебінде ата-аналармен маңызды кездесу өтті. Кездесу тақырыбы – деструктивті діни ағымдардың алдын алу және ұлттық құндылықтарды насихаттау. Іс-шараға мектеп әкімшілігі, мұғалімдер, Ащысай ауылы әкімі аппаратының бас маманы А.Жорабек және ақын-қаламгер М.Махажанов қатысты. және ата-аналар қауымы қатысты.
Кездесудің мақсаты – жастарды теріс діни ағымдардан сақтау, олардың санасында ұлттық тәрбиені нығайту және ата-аналармен бірлесе отырып тәрбиелік жұмыстардың сапасын арттыру. Іс-шара барысында мамандар деструктивті ағымдардың белгілері, олардың қоғамға тигізер зияны туралы нақты мысалдар келтіре отырып түсініктеме берді.
Ауыл имамы өз сөзінде дәстүрлі дін мен теріс ағымның айырмашылығын түсіндіріп, балалардың діни сауаттылығын арттыруда отбасындағы тәрбиенің маңызын атап өтті. Сонымен қатар, ата-аналарға әлеуметтік желілердегі діни мазмұндағы материалдарға мұқият болу, балаларының кіммен араласатынын бақылау керектігі ескертілді.
Полиция инспекторы өз кезегінде діни радикализмге байланысты елде болып жатқан оқиғаларға тоқталып, заң аясында қандай шаралар қарастырылғанын баяндады. Ол деструктивті ағымдарға тарту әрекеттері үшін заңмен қатаң жаза қарастырылғанын айтты.
Мектеп директоры ата-аналардың балаларына үлгі болуы керектігін, ұлттық құндылықтарды – тілді, салт-дәстүрді, үлкенді сыйлау, отансүйгіштік сияқты қасиеттерді отбасында күнделікті тәрбиеге айналдыру қажеттігін баса айтты.
Кездесу соңында ата-аналар көкейлерінде жүрген сұрақтарын қойып, мамандар тарапынан нақты жауаптар алды. Осындай іс-шаралардың жиі өткізіліп тұруы – ауыл жастарының жат діни идеологиялардан сақ болуына және ұлттық тәрбиемен өсуіне ықпал ететіні айтылды.
Қорытындылай келе, бұл кездесу – қоғам мен мектептің, ата-ана мен баланың арасындағы байланысты нығайтып, ұрпақ тәрбиесіне ортақ жауапкершілікпен қарауға шақыратын маңызды басқосу болды.
