Д.Қонаев атындағы жалпы білім беретін мектебінде Кентау қаласы білім бөлімінің 2024-2025 оқу жылына арналған психологиялық қызмет бойынша жылдық жоспарына сәйкес «Мектеп, ата-ана және оқушы арасындағы қарым-қатынасты нығайтуда қолданылатын әдістер» тақырыбында қалалық семинар өтілді. Семинарға Кентау қаласының білім бөлімінің әдіскері Замира Нұрдәулетқызы, мектеп директоры Гүлжахан Мырзаханқызы және қала мектептерінің педагог-психологтары қатысты. Семинар бағдарламаға сәйкес 2 кезеңде өтіліп, педагог-сарапшы санатындағы психологтар:
Д.Қонаев атындағы жалпы білім беретін мектеп педагог-психологтары М.Атабалаева, С.Казыметова
Т.Рысқұлов атындағы жалпы білім беретін мектеп педагог-психологы Г.Ниятова
Ә.Молдағулова атындағы жалпы білім беретін мектеп педагог-психологы А.Альжанова
Қашқари мектебінің педагог-психологы Д.Қадир өз тәжірибесі мен бөлісті.
Семинардың мақсаты – мектеп, ата-ана және оқушы арасындағы тиімді қарым-қатынасты қалыптастыру, өзара түсіністік пен сенімді арттыруға бағытталған әдіс-тәсілдермен бөлісу. Психолог мамандар қазіргі заманғы тәрбиелік үдерістегі қиындықтар мен оны шешу жолдарын талқылады.
Семинар барысында түрлі тренингтер, жағдаяттық тапсырмалар, рольдік ойындар қолданылып, мұғалімдер мен мамандар тиімді қарым-қатынас орнату жолдарын тәжірибе жүзінде пысықтады. Әсіресе «Ашық есік», «Қауіпсіз орта», «Бала үні» сияқты тәсілдердің маңыздылығы ерекше атап өтілді.
Семинар соңында қатысушылар тәжірибе алмасып, болашақта ата-аналармен жұмыс жасауда осы әдістерді кеңінен қолдану керектігін атап өтті. Іс-шара ұжым ішіндегі кәсіби байланысты нығайтып, мектеп пен отбасы арасындағы ынтымақтастықты арттыруға сеп болды
Семинар өз деңгейінде, талапқа сай өтіліп, келген қонақтар жылы лебіздерін білдірді.
