№17 мектепте түсіндіру жұмыстары жүргізілді.
Ә.Науаи атындағы №17 мектепте ата-аналарға арналған ақпараттық-түсіндіру жұмыстары ұйымдастырылды.
Іс-шараның негізгі мақсаты – діни экстремизм мен деструктивті діни ағымдардың алдын алу, ата-аналарға бұл мәселелердің маңыздылығы мен қауіптілігін түсіндіру.
Кездесуге облыстық «Дін мәселелерін зерттеу орталығы» КММ-нің теолог маманы Б.Абдрахман, Кентау қалалық Руханият орталығы» КММ-нің теолог маманы Ұ.Құлтай қатысты.
Теологтар деструктивті діни ағымдардың белгілері, олардың жастар санасына әсер ету тәсілдері мен алдын алу жолдары туралы кеңінен түсіндіріп, ата-аналар тарапынан қойылған сұрақтарға жауап берді.
Сонымен қатар, отбасы мен мектептің тығыз байланысы арқылы жастардың теріс ағымдарға ілесуінің алдын алуға болатынына назар аударылды.
