ҚАЛАЛЫҚ ӘДІСТЕМЕЛІК КЕҢЕСІ ӨТТІ.
Кентау қалалық білім бөлімінің 2024-2025 оқу жылындағы жоспарына сәйкес 2025 жылдың 28- мамыр күні Ю. Гагарин атындағы №16 мектептің жиын залында қалалық «Әдістемелік кеңес» өтті. Аталған кеңеске бөлім әдіскерлері, мектеп директорларының орынбасарлары,әлеуметтік педагогтер мен педагог- психологтар қатысты.
Әдістемелік кеңес — бұл білім беру ұйымдарында оқу-тәрбие процесін жетілдіруге, педагогтердің кәсіби шеберлігін арттыруға, әдістемелік жұмыстарды үйлестіруге бағытталған консультативтік-ұйымдастырушылық орган. Ол мектептерде, колледждерде, университеттерде, сондай-ақ басқа да білім беру мекемелерінде құрылады.
Әдістемелік кеңес негізінен оқу үрдісін ұйымдастыру мен жетілдіру, жаңа білім беру технологияларын енгізу, мұғалімдердің кәсіби дамуын қамтамасыз ету, озық педагогикалық тәжірибені тарату, оқу-әдістемелік құралдарды қарастыру және бекіту сияқты мәселелермен айналысады. Кеңестің құрамына директордың орынбасарлары, тәжірибелі пән мұғалімдері, әдіскерлер және басқа да педагог мамандар кіреді. Кеңес тұрақты түрде жиналып, жоспарланған мәселелерді қарастырады, әдістемелік ұсыныстар мен шешімдер қабылдайды.
Бұл кеңестің жұмысы мұғалімдерге әдістемелік көмек көрсетуді, кәсіби құзыреттілікті арттыруды және білім сапасын көтеруді мақсат етеді.
Әдістемелік кеңестің күн тәртібінің негізінде төмендегі тақырыптар бойынша баяндамалар оқылып, мәселелер талқыланды.
А.Мақұлбекова- әдістемелік кабинет меңгерушісі;
Наурыз айында кеңесте қабылданған шешімнің орындалуы;
ІV тоқсанның үлгерім,сапасының қорытындысына талдау,
Озат тәжірибені жинақтау, зерттеу, тарату жұмыстарының барысы туралы— Қ.Әнжаев №14 мектеп директорының орынбасары
Ерекше білім беру қажеттілігі бар балалармен жұмыс туралы және әлеуметтік жағдайы төмен отбасы балаларына консультациялық және әлеуметтік-педагогикалық қолдау көрсету; Г.Кеншембаева-әдіскер
2024-2025 оқу жылында әдістемелік кеңестің атқарған жұмыстарының есебі А.Мақұлбекова-әдістемелік кабинет меңгерушісі
Қалалық шығармашылық топтың жұмысының есебі— Н.Баршабекова-Ататүрік ат. №4 м/л директорының орынбасары;
Білім беру ұйымдарындағы тәрбие мен оқытуда жалпыадамзаттық және ұлттық құндылықтар негізінде білім алушылардың бойында адами қасиеттерді қалыптастыру— Б.Абдуханов- №15 мектеп директорының орынбасары;
Заманауи мектепте бейіндік білім беру жүйесін дамыту— Ф.Мансурова — №2 мектеп директорының орынбасары;
Кеңес мүшелері және қатысушылар тарапынан сұрақтар қойылып, пікірірлер тыңдалды.Кері байланыс жасалып, ұсыныстар берілді. Оқу жылы қорытындыланып бөлім әдіскерлері мен директор орынбасарларына бөлім басшысы атынан алғыс хаттар табысталды.
