Қош бол, балғын балалық!
Балабақша – біз үшін алтын ұя,
Мейірім мен шаттыққа толған қия.
Бүгін міне қоштасар сәт те келді,
Жүрек толы қимастық, толғаныс та…
Бүгін «Қызғалдақ» мектепалды даярлық тобының бүлдіршіндері үшін ерекше күн болды – олар өздерінің сүйікті балабақшаларымен қоштасты.
«Қош бол, сүйікті балабақшам!» атты әсерлі ертеңгілік – тек қоштасу ғана емес, сондай-ақ балалықтың ең әсем естеліктеріне толы мереке болды.
Кішкентай түлектеріміз жүрек тебірентер өлеңдер оқып, әсерлі әндер шырқады, көңілді билер билеп, көпшілікке шын ықыласпен дайындалған өнерлерін паш етті.
Тәрбиешілерге, ата-аналарға және осы күнге дейін әр балаға мейірімін аямаған барша ұжымға алғысымыз шексіз!
Сәт сапар, сүйкімді бөбектер!
Мектеп әлеміне батыл қадам басып, тек алға ұмтылыңдар!
Қанаттарың талмасын, армандарың алға бастасын!
