Мектебте барлық сынып оқушыларының қатысуымен «Білімім – Отаныма» атты тәрбие сағаты өтті. Бұл шараның мақсаты – оқушылардың білімге деген құштарлығын арттыру, туған елге деген сүйіспеншілікті ояту және ел болашағына өз үлесін қосуға деген жауапкершілік сезімін қалыптастыру болды.
Тәрбие сағаты барысында оқушылар Отан, білім, патриотизм ұғымдары туралы ой бөлісті. Мұғалімдер мен оқушылар өзара пікір алмасып, білімнің адам өміріндегі маңыздылығы туралы әңгімелесті. Сонымен қатар, еліміздің дамуына өз біліміміз арқылы қандай үлес қоса алатынымыз жайлы пікірлер айтылды.
Іс-шара барысында Тәуелсіз Қазақстанның жетістіктері мен білім саласындағы даму жолдары туралы бейнеролик көрсетілді. Оқушылар өз өнерлерін ортаға салып, өлең оқып, ән айтты. Елге деген сүйіспеншілікті білдіретін шығармалар мәнерлеп оқылды. Кейбір сыныптар шағын сахналық көрініс те қойды.
Тәрбие сағаты оқушылардың бойында отансүйгіштік қасиеттерді арттырып, әрқайсысының ел болашағына бейжай қарамай, білім алу арқылы үлес қосу қажеттігін ұғындырды. Оқушылар білімнің маңыздылығын тереңірек түсініп, өз армандарына жету жолында талпыну керектігін білді.
«Білімім – Отаныма» тәрбие сағаты рухани құндылықтарды дәріптеген, мазмұнды әрі тәрбиелік мәні зор іс-шара болды. Мұндай тәрбиелік шаралар оқушылардың саналы азамат болып қалыптасуына үлкен септігін тигізеді.
