Отырар Аудандық Кәсіпкерлік Бөлімі.«МЕМЛЕКЕТТІК БАҒДАРЛАМА — ҚОЛАЙЛЫ МҮМКІНДІК»

Отырар ауданының «Ішкі саясат бөлімі» ММ-сі «Жастар ресурстық орталығы» КММ-нің мамандары мемлекеттік бағдарламаларды насихаттау мақсатында, аудан орталығы, жастар көп шоғырланған орындарда түсіндірме жұмыстарын жүргізіп, арнайы үнпарақтарын тарқатты.

(Үнпарақ — қандай да бір ақпаратты (жарнама, хабарландыру, насихат) көпшілікке тарату үшін қолданылатын шағын парақша. Ол жарнамалық, ақпараттық немесе үгіт-насихаттық мақсатта жасалады. Үнпарақтар көшеде, мекемелерде таратылады немесе қабырғаға ілінеді.)

Іс-шараның мақсаты-жастарды мемлекеттік бағдарламалар мен жобалар туралы және мамандық таңдау мәселелері бойынша кеңес беріп және жастарды жұмысқа орналастыру және кәсіптік бағдар беруге дайындау туралы ақпарат беру болып табылады.

Жастарға жан-жақты қолдау көрсету – мемлекетіміздің басты міндеттерінің бірі. Жастарды еңбекпен қамтитын түрлі шаралар, мемлекеттік бағдарламалар арқылы жастарға қолайлы мүмкіндіктер алаңы ашылуда. Білім алып, белгілі бір маман иесі атанған және өз кәсібін ашып шаруасын ілгері жылжытуға ниеттенген жастар үшін мемлекеттік бағдарламалардың тиімді тұстары мол болмақ.

 Қазіргі таңда елімізде жастардың әлеуетін арттыру, олардың қоғамдағы белсенділігін күшейту және түрлі салаларда, әсіресе кәсіпкерлік бағытта қолдау көрсету жұмыстары қарқынды жүргізілуде. Себебі кәсіпкерлік – тек экономикалық өсімнің ғана емес, сонымен қатар жаңа жұмыс орындарының құрылуына, инновациялық идеялардың жүзеге асуына ықпал ететін маңызды сала.

Мемлекет тарапынан жас кәсіпкерлерге арналған түрлі бағдарламалар мен жеңілдіктер қарастырылған. Атап айтқанда, «Жас кәсіпкер», «Бизнестің жол картасы», «Еңбек» мемлекеттік бағдарламалары аясында тегін оқыту курстары, бизнес-жоспар құру бойынша кеңестер және төмен пайызбен несие алу мүмкіндіктері ұсынылуда. Сонымен қатар жастарға арналған бизнес-инкубаторлар мен гранттық қолдаулар да кеңінен енгізілуде.

Осындай қолдаулардың арқасында көптеген жас азаматтар өз кәсібін ашып, табыс тауып қана қоймай, басқа жастарға үлгі болуда. Бұл – болашақта өзін-өзі қамтамасыз ететін, жауапкершілігі жоғары, бәсекеге қабілетті ұрпақ қалыптастырудың кепілі. Сондықтан жастарды қолдау – елдің жарқын болашағына салынған инвестиция.