«Мемлекеттік рәміздер – әрбір азаматтың жүрегінде сақталатын қастерлі құндылық.Отанымызға бейбіт өмір, бірлік пен береке тілейміз!Мемлекеттік рәміздер – еліміздің тәуелсіздігі мен егемендігінің айғағы. 4 маусым – Қазақстан Республикасының Рәміздер күніне орай еліміздің түкпір-түкпірінде түрлі тәрбиелік мәні зор іс-шаралар ұйымдастырылады. Осындай іс-шаралардың бірі ауданымыздағы Алтын Ұя балабақшасында да жоғары деңгейде өтті.
Шара барысында балабақша бүлдіршіндері патриоттық рухта безендірілген алаңға жиналып, Қазақстан Республикасының Мемлекеттік Әнұранын зор мақтанышпен орындады. Кішкентай жүректерінен шыққан әнұран үні әр жүрекке жетіп, балалардың отансүйгіштігін паш етті. Тәрбиешілер балаларға Мемлекеттік Ту, Елтаңба мен Әнұранның маңыздылығын түсіндіріп, әр рәміздің шығу тарихына тоқталып өтті.
Шара аясында бүлдіршіндер арасында тақпақ айту сайысы ұйымдастырылды. Балалар Отан, Ту, Елтаңба, Тәуелсіздік жайында жаттаған өлеңдерін жатқа айтып, бірінен-бірі асқан өнерлерімен көзге түсті. Тақпақтар мазмұны терең, жүрекке жылы тиіп, көрермендердің көңілінен шықты. Әрбір бала өз Отанына деген сүйіспеншілігін, құрметін сөз арқылы білдіре алды.
Сайыс барысында «Менің туым – менің мақтанышым», «Рәміздер – елдігімнің белгісі», «Отаным – Қазақстан» атты шағын көріністер мен қойылымдар көрсетілді. Әсіресе, балалардың өз қолдарымен жасаған ту мен елтаңба макеттері көпшіліктің қызығушылығын тудырды. Тәрбиешілердің басшылығымен балалар өздерінің шығармашылықтарын танытып, рәміздерге деген ерекше құрметтерін білдірді.
Іс-шараның басты мақсаты – бүлдіршіндерге мемлекеттік рәміздерімізді таныту, оларды құрметтеуге, отансүйгіштікке тәрбиелеу болды. Бұл мақсат толықтай орындалып, әр бала жүрегіне туған елге деген сүйіспеншілік дәні себілді. Балалар көтеріңкі көңіл-күймен, үлкен әсермен үйлеріне оралды.
Мұндай шаралар балаларды рухани жағынан байытып, ел болашағына сеніммен қарауға тәрбиелейді. Балабақша ұжымы алдағы уақытта да осындай патриоттық тәрбиені басты бағыт етіп алатынын жеткізді. Рәміздерімізді құрметтеу – әрбір азаматтың парызы. Осыны кішкентай күнінен бойына сіңірген бүлдіршіндер ел болашағының жарқын болуына үлес қосатыны анық.
