«С.Қожанов атындағы шағын жинақты» жалпы білім беретін мектебінде «1 маусым – Балаларды қорғау күніне» орай «Күншуақ» мектепішілік жазғы демалыс лагері өз жұмысын салтанатты түрде бастады. «Жазды қуанышқа толтырайық» тақырыбымен өткен бұл ерекше мереке балаларға шаттық пен қуаныш сыйлады.
Іс-шараның басты мақсаты – балалардың жеке қасиеттерін дамытып, оларды өнерге, шығармашылыққа, адамгершілікке баулу.
Бұл күнгі мерекеге ұстаздар, ата-аналар, мектеп басшылығы мен арнайы қонақтар қатысты. Балалардың күлкісі мен қуанышы бұл күнді шынайы мерекеге айналдырды.
Мектеп директоры Акжанов Абай мырза өз құттықтау сөзінде балалардың болашағы – ел ертеңі екенін атап өтіп, балаларды қорғау, олардың бақытты және қауіпсіз өмір сүруіне жағдай жасау – баршамыздың ортақ парызымыз екенін жеткізді.
Шара барысында тәрбиелік мәні бар өлеңдер, тақпақтар, әндер оқылып, көркем өнерпаздардың қатысуымен шағын концерт ұйымдастырылды. Іс-шараға түрлі мултьфильм кейіпкерлері қатысып, балаларды қуантты. Балалар өз өнерлерін паш етіп, қуанышты күй кешті. Шара соңында ДТІЖО С.Даржанова апай демеушілік жасап барлық балаларға бір-бір балмұздақтан тарту етті. Және де демеушілікпен балалар күні қарсаңында мектепке хауыз (бассейн) тартк етілді.
