Іс-шараның басты мақсаты – балалардың жеке қабілеттерін дамытып, оларды өнерге, шығармашылыққа және адамгершілікке баулу.Жазғы лагерь – балалар мен жасөспірімдер үшін ең қызықты әрі ұмытылмас кезеңдердің бірі. Әсіресе, мектеп оқушылары үшін бұл уақыт демалып қана қоймай, жаңа достар тауып, пайдалы істермен айналысуға мүмкіндік береді. Лагерьде өткізген әрбір күн – ерекше, көңілді әрі тәрбиелік мәнге толы болады.
Жазғы лагерьлер табиғат аясында ұйымдастырылады. Бұл балалардың денсаулығын нығайтып, таза ауада көп қозғалуына жағдай жасайды. Таңертең дене шынықтыру жаттығуларымен басталса, күндіз түрлі спорттық жарыстар, өнер сайыстары, интеллектуалдық ойындар өтеді. Әр кеште концерттер мен отбасылық кештер ұйымдастырылады.
Лагерь – балалардың өздігінен шешім қабылдауына, ұжыммен жұмыс істеуге және жауапкершілікті сезінуге тәрбиелейді. Мұнда әр бала өз дарынын ашып, шығармашылық қабілетін дамыта алады. Қолөнер, би, ән айту, театр үйірмелері де ерекше танымал.
Сонымен қатар, лагерьдегі тәрбиешілер мен ұстаздар балаларға тәлім-тәрбие беріп, олардың бос уақытын тиімді өткізуіне көмектеседі. Лагерь ережелеріне бағыну арқылы тәртіп пен ұйымшылдықты үйренеді.
Жалпы, жазғы лагерь – баланың тұлғалық дамуына, достық қарым-қатынасты нығайтуға, өмірлік маңызды құндылықтарды бойына сіңіруге үлкен әсер етеді. Осындай лагерьлердің арқасында балалар жазғы демалысты қызықты әрі пайдалы өткізеді.
