2 маусым күні Сауран ауданының білім бөліміне қарасты «Қаражон» шағын жинақты жалпы білім беретін мектебінде Халықаралық балаларды қорғау күніне орай мектеп жанындағы “Балдаурен” жазғы тынығу спорттық лагердің ашылуы болды. Мектебіміздің директоры Ж.Омарбеков және тәрбие ісі жөніндегі орынбасары Т.Усенов оқушыларға ізгі ниет тілегін білдіріп әрі қарай көнцерттік іс-шарамен жалғасын тапты, оқушылардың өздері де белсене қатысып, ерекше көңіл күймен жазғы лагеріміздің ашылу салтанаты өтті.
Мерекелік шара балалардың жүзінен күлкі, жүрегінен шаттық сыйлап, естен кетпес әсер қалдырды. Ән шырқап, би билеп, түрлі ойындар ойнатылды.
Бұл күн – балалардың бақыт пен қуанышқа толы сәттерін арттырып, оларды қорғаудың, бағалаудың маңызын терең сезіндірді.Бүлдіршіндердің армандарың орындалсын, қиялдарың қанаттансын!
Сонымен қатар,1маусым «Балаларды қорғау» күніне орай шара соңында мектеп асханасын ыстық тамақпен қамтып отырған жеке кәсіпкер Тлемисова Эльмира Данибековна ханымның демеушілігімен балаларға тәтті балмұздақтар таратылды.Балаларды қорғау күні – әлемдегі ең маңызды әрі жарқын мерекелердің бірі. Бұл күн жыл сайын 1 маусымда атап өтіледі және балалардың құқығын қорғау, олардың аман-саулығы мен бақытты болашағын қамтамасыз ету мақсатында өткізіледі. 1950 жылдан бастап бұл күн ресми түрде Халықаралық балаларды қорғау күні ретінде бекітілді.
Балалар – әрбір елдің болашағы, қоғамның тірегі. Сондықтан оларды қорғау, білім мен тәрбие беру, қауіпсіз орта қалыптастыру – әрбір ата-ана мен мемлекеттің басты міндеті. Осы күні әлемнің түкпір-түкпірінде түрлі мәдени және тәрбиелік шаралар ұйымдастырылып, балаларға ерекше көңіл бөлінеді. Концерттер, көрмелер, спорттық жарыстар, қайырымдылық акциялар – мұның бәрі балалардың жүзінен шаттық күлкі көру үшін жасалады.
Қазақстанда да бұл күн ерекше тойланады. Мектептер мен мәдениет үйлерінде мерекелік шаралар өтіп, балдырғандарға сыйлықтар таратылады. Сонымен қатар, әлеуметтік әлсіз отбасылар мен жетім балаларға қолдау көрсетіліп, қоғам назарын балалар мәселесіне аудару көзделеді.
Балалар – әлемнің ең нәзік әрі ең құнды байлығы. Олардың күлкісі мен бақытты өмірі – баршамыздың ортақ жауапкершілігіміз. Сондықтан әрбір ересек адам баланың құқығы мен қауіпсіздігін қорғауға атсалысуы тиіс. Балаларға бейбіт өмір, сапалы білім, жақсы тәрбие мен қамқорлық көрсету – болашаққа салынған мызғымас негіз.
Балалар – біздің болашағымыз! Олардың әрбір күлімдеген күні – еліміздің жарқын келешегінің белгісі.
