Сауран ауданы білім бөліміне қарасты. №1 жалпы білім беретін мектепте құқықбұзушылықтың ,нашақорлықтың алдын алу және профилактикалық шараларды талқылау бойынша жиналыс өтті.

№1 жалпы білім беретін мектепте құқықбұзушылықтың ,нашақорлықтың алдын алу және профилактикалық шараларды талқылау бойынша жиналыс өтті.

Жиынға 9–10-11 сынып оқушылары қамтылды. Оқушылар арасында кездесетін құқықбұзушылықтың, нашақорлықтың себептері мен оны болдырмаудың алдын алу жолдары туралы түсіндірілді. Құқықтық тәрбие беру, құқықтық сауаттылықты арттыру және ата-аналармен өзара байланысты нығайту мәселелері талқыланды.

Бүгінгі таңда нашақорлық – әлем елдерін алаңдатып отырған аса қауіпті әлеуметтік дерттердің бірі. Есірткіге тәуелділік адамның денсаулығына ғана емес, оның санасына, мінез-құлқына, өмір сүру салтына орны толмас зиян келтіреді. Бұл кесел әсіресе жастар арасында кең етек жайып келеді. Жастар – ел болашағы. Ал олардың өмірін улайтын нашақорлық қоғамның болашағына да қауіп төндіреді.

Нашақорлық – тек жеке адамның ғана емес, бүкіл отбасының, қоғамның, елдің қасіреті. Есірткіге бір үйренген адам одан оңайлықпен арыла алмайды. Ал есірткінің адам ағзасына әсері өте қауіпті. Ол жүйке жүйесін бұзып, адамның ойлау қабілетін төмендетеді. Уақыт өте келе адам толықтай өз еркінен айырылып, есірткінің құлына айналады. Мұндай адамдарда қылмысқа бару, ұрлық жасау, тіпті өз-өзіне қол жұмсау секілді әрекеттер жиі кездеседі.

Нашақорлықтың таралуына түрлі себептер бар. Олар: жастардың бос уақытын тиімді өткізбеуі, отбасындағы тәрбие мен бақылаудың әлсіздігі, қоғамдағы әлеуметтік теңсіздік, нашар ортаның ықпалы, интернет пен әлеуметтік желідегі зиянды ақпараттардың көптігі. Бұған қоса, кейде жастар жаңа нәрсені байқап көруге деген қызығушылықпен, достарының ықпалымен есірткіге бой ұрып жатады. Бұл – өте қауіпті әрекет.

Нашақорлықпен күресу – тек құқық қорғау органдарының немесе денсаулық сақтау саласының ғана емес, бүкіл қоғамның міндеті. Бұл күрес ең алдымен отбасыдан басталуы керек. Ата-ана баласына дұрыс тәрбие беріп, онымен ашық сөйлесіп, оның кіммен араласатынын, немен айналысатынын бақылауы тиіс. Мектептерде нашақорлықтың зияны туралы тәрбие сағаттары, түсіндіру жұмыстары жиі жүргізілуі қажет.

Сонымен қатар мемлекет деңгейінде де кешенді шаралар қабылданып жатыр. Арнайы заңдар, есірткінің таралуын бақылау жүйелері, емдеу-сауықтыру орталықтары жұмыс істейді. Бірақ бұл жеткіліксіз. Ең бастысы – әр адамда өз өміріне деген жауапкершілік сезімі болуы керек. Әр адам «Есірткі – өлім!» екенін ұғынуы қажет.

Қорытындылай келе, нашақорлық – ғасыр дерті. Бұл дертпен күресу үшін әрқайсымыз өз үлесімізді қосуымыз қажет. Жастарымызды салауатты өмір салтына баулып, оларды білімге, өнерге, спортқа бағыттау – болашағымыздың жарқын болуына жол ашады. Есірткісіз өмір – бақытты өмір екенін ұмытпайық!

Сонымен қатар, профилактикалық шаралар туралы, зияндыдан аулақ болу мәселелері бойынша түрлі іс шараларын жүйелі түрде жүргізудің маңыздылығы атап өтілді.