2025 жылдың 21 мамыр күні Қ. Рысбеков атындағы №5 жалпы білім беретін мектеп жанындағы интернатта «Нашақорлыққа және құқықбұзушылыққа жол жоқ» тақырыбында түсіндірме кездесуі өтті.
Іс-шараға Сауран аудандық полиция бөлімінің жергілікті полиция қызметі ювеналды полиция тобының инспекторлары – полиция лейтенанты Е. Сейіл, полиция лейтенанты Ә. Шынасыл және полиция аға лейтенанты Н. Тойсұлу арнайы шақырылып, 9–10 сынып оқушыларымен профилактикалық бағыттағы кездесу өткізді.
Кездесу барысында нашақорлықтың алдын алу, есірткі құралдарының адам ағзасына тигізер зияны, өмірге қауіп төндіретін факторлары жөнінде жан-жақты мәлімет берілді. Оқушыларға нақты мысалдар келтіріліп, нашақорлықтың құқықтық және әлеуметтік салдарлары туралы кеңінен түсіндірілді.
Сонымен қатар, заң талаптары мен есірткі заттарын қолдану немесе тарату кезінде туындайтын қылмыстық жауапкершілік туралы ақпараттар ұсынылды. Мамандар оқушыларды салауатты өмір салтын ұстануға, өз денсаулығына жауапкершілікпен қарауға, зиянды әдеттерден аулақ болуға шақырды.
Кездесу еркін пікір алмасу түрінде өтіп, оқушылар өздерін қызықтырған сауалдарын қойып, мамандардан нақты әрі пайдалы жауаптар алды.
Жиналыс соңында мектеп директорының тәрбие ісі жөніндегі орынбасары Г. Уразбекова оқушыларды мектепішілік тәртіпті сақтауға, құқықтық сауаттылықты арттыруға және зиянды әрекеттерден бойларын аулақ ұстауға шақырып, жиынды қорытындылады.
