Жасөспірімдердің қауіпсіздігі – басты назарда.2025 жылдың мамыр айының 20 күні мектебімізге Сауран аудандық полиция бөлімінің ювеналды полиция тобының инспекторы, полиция лейтенанты Құралбай Досмұрат Нұрмұхамедұлы арнайы келіп, 8–11 сынып оқушыларымен кездесу өткізді.
Кездесу барысында оқушылармен түсіндірме жұмыстары жүргізіліп, қазіргі қоғамда өзекті мәселелер кеңінен талқыланды. Атап айтқанда:
• Нашақорлықтың алдын алу, зияны мен салдары .
• Кәмелетке толмағандардың түнгі уақытта көшеде жүруіне тыйым салынатыны туралы заңнамалық талаптар .
• Әлімжеттік пен буллингтің зияны, оның құқықтық салдары
• Алда келе жатқан “Соңғы қоңырау” мерекесін мәдениетті түрде өткізу, қауіпсіздік ережелерін сақтау қажеттігі айтылды .
Полиция қызметкері өз сөзінде жасөспірімдерге заңға қайшы әрекеттерден аулақ болу, жауапкершілікті сезіну, ата-ана мен ұстаздардың сенімін ақтау жайында да кеңес беріп, өмірлік маңызы бар мысалдармен ой бөлісті .
Іс-шараға мектеп әкімшілігі, сынып жетекшілері толық қатысты. Тәрбие сағаты форматында өткен кездесу оқушыларға тәрбиелік мәні зор әсер қалдырды.
