Ы. Алтынсарин атындағы ШЖББМ-де
«Балдаурен» жазғы лагерінің жұмысы өз мәресіне жетті!
Мектебіміздің акт залында лагерьдің жабылу салтанаты өтті. Бұл күн балалар үшін ерекше естеліктерге толы болды. Олар соңғы рет лагерлік әндерін шырқап, көңілді флешмоб пен ойындарға қатысты. 
«Балдаурен» және «Күншуақ» топтарының балалары осы уақыт аралығында шығармашылықпен айналысып, түрлі үйірмелерге қатысып, жаңа достар тапты. Әр күндері қызықты әрі мазмұнды өтті.
Лагерь тек демалыс орны ғана емес, балалардың бойындағы дарын мен қабілетті ашатын, бірлік пен достықты нығайтатын ерекше орта болды.
Лагерь жетекшілері:
Касимова Тұрғанай мен Мұстафаева Гүлмайраға балалардың демалысын мазмұнды әрі әсерлі ұйымдастырғандары үшін үлкен алғысымызды білдіреміз!
«Балдаурен» лагері – жарқын сәттер мен ұмытылмас естеліктер мекені!
Келесі жазда қайта жүздескенше!
