Мектеп бітірушілерге аттестат тапсыру салтанатты рәсімі өтті.
2025 жылғы 19 маусым күні Ә.Науаи атындағы №17 жалпы білім беретін мектебінің 11-сынып түлектеріне жалпы орта білім туралы аттестаттар тапсыруға арналған салтанатты рәсім өтті. Бұл күн түлектер, ата-аналар, мұғалімдер мен қонақтар үшін нағыз мерекеге айналды. Салтанатты шараны мектеп директоры Ташполатов Султан Арипжанович ашып, мектеп бітірушілерді өмірлеріндегі маңызды кезеңнің аяқталуымен құттықтады. Ол әрбір түлекке өзіне деген сенімділік, мақсаткерлік пен болашақта үлкен жетістіктер және ҰБТ тапсыруда сәттілік тіледі.
2024-2025 оқу жылында білім ордасыны 18 түлек бітіріп, оның ішінде барлық пәндерді үздік бағаларға аяқтаған 3 оқушы Амангелді Шахнұр Абдашимұлы, Гаипова Фарангиз Гайратовна, Султанова Дилноза Айбекқызына «Жалпы орта білім туралы «Алтын белгі» аттестатты және «Алтын белгі» төсбелгісі берілсе, Ташболатова Парвина Махсудқызына «Жалпы орта білім туралы үздік аттестат» табысталды.
Түлектерге ақ жол тілегендердің қатарында мектеп директорының оқу ісі жөніндегі орынбасары Н.Абдуллаева, сынып жетекшісі З.Абдуллаева, ата-аналар атынан Набиева Тамара, Атаханова Зирофат, Ергешова Хайринса болды. Өз құттықтауларында олар өсіп-жетілген ұрпаққа деген мақтаныштарын білдіріп, оқушыларға -тынымсыз еңбегі үшін, ата-аналарға -қолдауы үшін, ұстаздарға-қажырлы еңбегі мен адалдығы үшін алғыс айтты.
Салтанатты рәсім мерекелік көңіл күй мен толқулы сезімге толы жағдайда өтті. Әрбір түлек үшін бұл күн – үмітке, арманға және болашақ жеңістерге толы жаңа беттің басталуы болды. Сәт сапар, ақ жол, жас түлек!
