Түркістан облысының денсаулық басқармасына қарасты, Созақ Аудандық Орталық Ауруханасы, ЖАРТЫТӨБЕ АУЫЛЫ «ЖҰЛДЫЗ» БАЛАБАҚШАСЫНДА ПАЙДАЛЫ СЕМИНАР ӨТТІ.

 Балалар – болашағымыз! Сол себепті олардың денсаулығы – басты назарда.

 Маусым айында Жартытөбе ауылындағы «Жұлдыз» балабақшасында кішкентай бүлдіршіндерге арналған профилактикалық семинар өтті. Іс-шараның басты тақырыбы – ішек инфекцияларынан сақтану және алдын алу .

 Семинар спикері – Жуантөбе дәрігерлік амбулаториясының медағасы Досхан Әмзеұлы балаларға:

1 дұрыс тамақтану

2 жеке бас тазалығын сақтау

 3 ауыз судың тазалығына мән беру

 4 күнделікті су ішудің маңыздылығы

жайлы түсінікті әрі қызықты түрде жеткізді.

Балалар мен тәрбиешілер пайдалы ақпаратпен сусындап, өз денсаулықтарын қорғау жолдарын үйренді. Мұндай шаралар салауатты ұрпақ тәрбиелеуде өте маңызды!Инфекция – адам ағзасына микробтардың (бактерия, вирус, саңырауқұлақ, паразит) енуі нәтижесінде туындайтын аурулар. Инфекциялық аурулар адамнан адамға, жануарлардан адамға немесе лас тағам, су, ауа арқылы жұғуы мүмкін.

Инфекция жұққанда ағзаның иммундық жүйесі ауру тудыратын микробтармен күресе бастайды. Егер иммунитет әлсіз болса, ауру белгілері айқын байқалады. Мысалы, дене қызуының көтерілуі, әлсіздік, бас ауыруы, жөтел, іш өту, тері бөртпелері — бұлар инфекцияның негізгі белгілері болып табылады.

Инфекция бірнеше жолмен таралады:

1. Ауа-тамшы арқылы (тұмау, қызылша);

2. Контакт жолымен (тері арқылы, жеке заттармен);

3. Азық-түлік және су арқылы (ішек инфекциялары);

4. Қан арқылы (гепатит, ВИЧ);

5. Жәндіктер арқылы (безгек, кене энцефалиті).

Инфекцияның алдын алу үшін жеке бас гигиенасын сақтау, қолды жиі жуу, таза су ішу, сапалы тағам тұтыну қажет. Сонымен қатар, көптеген инфекцияларға қарсы вакцина егу арқылы қорғануға болады.

Инфекциялық ауруларды ерте анықтап, дұрыс емдеу өте маңызды. Уақтылы дәрігерге қаралу — қауіпті асқынулардың алдын алудың басты жолы.

Инфекция – адам өмірі мен денсаулығына қауіп төндіретін күрделі мәселе. Сондықтан оны болдырмау үшін әркім сақтық шараларын сақтауы тиіс.