МЕРЕКЕ ҚАРСАҢЫНДА КЕНТАУЛЫҚ ПАРТИЯ МҮШЕЛЕРІ ЖАҢА АЗАМАТТАРМЕН ТОЛЫҚТЫ.«AMANAT» партиясы Кентау қалалық филиалы Кентау қалалық емхана мәжіліс залында 6-шілде Астана күні мерекесі қарсаңында бірқатар партияластарға жаңа үлгідегі партиялық билеттерді денсаулық саласының өкілдеріне «AMANAT» партиясы Кентау қалалық филиалының төрағасы Арман Басаров салтанатты түрде табыстады.
Сонымен қатар Түркістан облыстық мәслихат депутаты Талғат Садуов денсаулық саласының өкілдерін 6 шілде Астана күні мерекесіне орай құттықтап, жаңа партиялық билеттер табыстады.
Іс шара барысында «Қалдаяқов» бастауыш партия ұйымының төрайымы Арайлым Беркимбаева жаңадан қосылған партия мүшелерін құттықтады.
Мерекелік іс-шара барысында партия филиалының төрағасы Арман Басаров партияластарды құттықтап, партия мүшелеріне жаңа билет үлкен жауапкершілік жүктейтінін, алдағы уақытта партияның беделінің одан әрі артуына атсалысып, партияның бағдарламалық мақсаттары мен міндеттерін бірлесіп жүзеге асыруға шақырды.
Мерекелік іс шара барысында Түркістан облыстық мәслихат депутаты Талғат Садуов 2024 жылы атқарған жұмыстары және 2025 жылы атқарылатын жұмыстары туралы есебін баяндады.
