2025 жылдың 18 қыркүйек күні Кентау қалалық білім бөліміне қарасты Ә.Молдағұлова атындағы 19 ақпараттық технологиялар мектеп-лицейінің алғашқы әскери және технологиялық дайындық пәні мұғалімі Қалқожа Қанаттың ұйымдастыруымен 10-11 жоғарғы сынып оқушылар арасында патриоттық рухта тәрбиелік мәні бар «Бүгінгі оқушы – ертеңгі Отан қорғаушы» тақырыбында ашық сабақ өткізілді.
Ашық сабаққа директор тәрбие жұмысы жөніндегі орынбасары Э.Куттубаева қатысты.
Іс-шараның басты мақсаты – оқушыларға Отан алдындағы борышын өтеудің маңыздылығын түсіндіру, елін, жерін сүйетін нағыз азамат етіп тәрбиелеу.
Оқушыларға:
Қазақстан Республикасы Қарулы Күштерінің құрылымы мен әскер түрлері;
Әскери қызмет атқарудың жолдары – мерзімді әскери қызмет және келісімшарт бойынша әскери қызмет өткеру тәртібі;
Қазіргі заманғы әскердің міндеттері мен жауапкершілігі жөнінде толық ақпарат берілді.
Тақырыпқа сәйкес бейнебаян көрсетілді.Іс шара жас ұрпақтың бойында отансүйгіштік сезімін оятып,оларды жауапкершілікке, ерлікке және азаматтық парызды адал атқаруға баулыды.Отан сүйгіштік қасиет – әрбір адамның өз туған жеріне, еліне, тіліне, тарихына, мәдениетіне деген шынайы құрметі мен сүйіспеншілігі. Бұл қасиет адамның жүрегінде жастайынан қалыптасып, отбасынан, мектептен, қоғамнан берілетін тәрбие арқылы нығаяды. Отанға деген сүйіспеншілік – тек сөзбен емес, іспен дәлелденетін асыл қасиет. Ол – елдің дамуына үлес қосу, жерін қорғау, тілін ардақтау, дәстүрін сақтап, болашаққа аманаттау.
Нағыз отаншыл адам елдің жетістігіне қуанып, қиын сәтінде жанын аямай қызмет етеді. Ол өз халқының тарихын біледі, батыр бабалардың ерлігін үлгі тұтады. Отан сүйгіштік – тек соғыс кезінде емес, бейбіт күнде де қажет. Мысалы, адал еңбек ету, білім алу, табиғатты қорғау, қоғамға пайда әкелу – осының бәрі отанға деген сүйіспеншіліктің көрінісі.
Бұл қасиет жастар үшін ерекше маңызды. Өйткені болашақ елдің тұтқасы – жас ұрпақ. Жастардың бойында патриоттық сезім қалыптасса, елдің іргесі берік, болашағы жарқын болмақ. Отан сүйгіштік – ұлт бірлігінің, мемлекет тұрақтылығының негізі. Әрбір азамат өз елін сүйіп, қадірлесе ғана қоғам алға дамиды.
Сондықтан отан сүйгіштік қасиет – әр адамның жүрегінде орын алатын, елді өркендетуге жетелейтін, ең биік сезімдердің бірі.
