«Ұлы өнертапқышқа алғашқы қадам» инновациялық идеялар байқауы өтті.

Аталған байқауға Кентау қаласының білім бөліміне қарасты Кентау оқушылар үйінің робототехника үйірмесінің шәкірттері қатысып, жоғары нәтижелерге қол жеткізді:

«Үздік рационализаторлық ұсыныс» бағыты бойынша – Рысбай Омар І-орын иеленіп, республикалық кезеңге жолдама алды. Жетекшісі: Мақсат Б.М.

«Автокөліктің қолданыстағы моделін жасау» бағыты бойынша – Хайруллаев Тимур ІІ-орынға ие болды. Жетекшісі: Бектас Ә.Ө.

«Су көлік саласындағы техникалық құрастыру» бағыты бойынша – Насырла Алинұр ІІІ-орынға табан тіреді. Жетекшісі: Елемесова А.С.

Үйірме жетекшілері мен шәкірттерімізге шығармашылық табыс, толағай жеңістер тілейміз! Жетістіктеріңіз құтты болсын!

Робототехника – бұл ғылым мен техниканың бір саласы, ол роботтарды жобалау, жасау және олардың жұмысын басқару жүйелерін зерттейді. Бұл бағыт механика, электроника, информатика және жасанды интеллект сияқты салаларды біріктіреді. Робототехника қазіргі таңда өндіріс, медицина, ауыл шаруашылығы, ғарыш және тұрмыстық салада кеңінен қолданылады. Мысалы, зауыттарда роботтар өнімді жинақтау мен дәнекерлеу жұмыстарын атқарады, ал медицинада дәл операциялар жасауға көмектеседі. Сонымен қатар, білім беру жүйесінде де робототехника ерекше орын алады. Ол оқушылардың ойлау қабілетін, логикасын және шығармашылығын дамытады. Оқушылар түрлі жобалар жасап, инновациялық идеяларын жүзеге асырады. Болашақта робототехника адам өмірін жеңілдетіп, көптеген қиын және қауіпті жұмыстарды атқаруға мүмкіндік береді. Сондықтан бұл сала — заманауи технологияның негізі әрі болашағы зор бағыттардың бірі.