ЖАҢА ТАҒАЙЫНДАУ.Түркістан облысы денсаулық сақтау басқармасына қарасты Түркістан қалалық орталық ауруханасының бас дәрігері қызметіне Марданова Гульмира Ахметовна тағайындалды.
Гульмира Ахметовна – медицина саласында мол тәжірибесі бар, кәсіби біліктілігі жоғары маман. Ол 1985 жылы дүниеге келген.
Білімі:
• 2003–2010 жж. – Қарағанды мемлекеттік медицина университеті, «Емдеу ісі» мамандығы.
• 2010–2011 жж. – Қарағанды мемлекеттік медицина университеті, интернатура, «Жалпы практика дәрігері».
• Әл-Фараби атындағы ҚазҰУ – іскерлік әкімшілендіру магистрі (EMBA).
Еңбек жолы:
• 2010–2011 жж. – Қарағанды мемлекеттік медицина университеті, анатомия кафедрасының мұғалімі.
• 2011–2014 жж. – Қарағанды облыстық медицина орталығы, дәрігер-терапевт, кардиолог.
• 2014–2017 жж. – Абай қалалық орталық ауруханасы, бөлім меңгерушісі.
• 2017–2020 жж. – Қарағанды облыстық клиникалық ауруханасы, дәрігер-пульмонолог, бөлім меңгерушісі.
• 2020–2022 жж. – Түркістан қалалық орталық ауруханасы, пульмонология бөлімінің меңгерушісі.
• 2022–2023 жж. – Сайрам аудандық орталық ауруханасы, қабылдау бөлімінің меңгерушісі м.а.
• 2023 ж. – Түркістан облыстық клиникалық ауруханасы, пульмонология бөлімінің меңгерушісі.
• 2023–2025 жж. – Түркістан облыстық клиникалық ауруханасы, басшының емдеу ісі жөніндегі орынбасары.
• 2025 ж. – Түркістан қалалық орталық ауруханасының бас дәрігері.
Біліктілігін арттыру:
Италия, Испания, Түркия елдерінде кәсіби курстардан өткен. Пульмонология, терапия және денсаулық сақтау менеджменті бойынша жоғары санатты дәрігер.
Марапаттары:
• «Қалаға сіңірген еңбегі үшін» медалі (2021 ж.).
• «Densaulyq» кәсіподағының «Құрмет грамотасы» (2023 ж.).
• Түркістан облысы әкімдігінің «Алғыс хат» (2024 ж.).
• ҚР ДСМ «Құрмет грамотасы» (2024 ж.).
• ҚР Президенті Іс басқармасының медициналық орталығының «Құрмет грамотасы» (2024 ж.).
• ҚР ДСМ «Алғыс хат» (2025 ж.).
• «Денсаулық сақтау ісіне қосқан үлесі» төс белгісі (2025 ж.).
Гульмира Ахметовна жаңа қызметінде қала тұрғындарына сапалы әрі қолжетімді медициналық көмек көрсетуді басты мақсат етіп, денсаулық сақтау жүйесін дамытуға күш салатын болады.
