Балтакөл — тарихы терең, рухы биік ауыл!

Бүгін Балтакөл ауылында ерекше қуаныш, мерей мен мақтанышқа толы күн өтті!

Елді-мекеннің құрылғанына 60 жыл толуына орай ауылдың абыройлы перзенті, ел азаматы Балтабай Асанов туған ауылына зор сый жасады — Балтакөл дәрігерлік амбулаториясына жаңа жедел-жәрдем көлігін тарту етті!

Бұл – ауыл халқының денсаулығына деген қамқорлықтың, туған жерге деген шынайы сүйіспеншіліктің жарқын көрінісі.

Мерекелік іс-шараға аудан әкімі Қайрат Жолдыбайұлы, аудандық мәслихат төрағасы Уалихан Жамалханұлы, Түркістан облысы денсаулық сақтау басқармасының басшысы Асхан Мархабайұлы, Отырар аудандық орталық ауруханасының басшысы Бауыржан Әбдімәлікұлы, ауыл ақсақалдары мен тұрғындары қатысып, жылы лебіздері мен ризашылықтарын білдірді.

Сонымен қатар, облыстық басқарма басшысы Асхан Мархабайұлы «Туған жерге тағзым» жобасы аясында Балтабай Асановтың ұйымдастыруымен Балтакөл дәрігерлік амбулаториясында өтіп жатқан тегін медициналық тексеру жұмыстарымен танысып, бұл бастаманы жоғары бағалады.

Осылайша Балтакөл ауылында елге үлгі боларлық ізгі істер атқарылып, туған жерін сүйетін азаматтардың арқасында ауылдың әлеуметтік өмірі мен медициналық әлеуеті артып келеді.

Туған жерге тағзым еткен әрбір азаматтың еңбегі – елдің болашағына қосқан үлес!Жедел жәрдем көлігінің маңыздылығы – адам өмірін сақтап қалудағы ең негізгі буындардың бірі. Ол – шұғыл жағдайларда науқастарға алғашқы медициналық көмек көрсетіп, тез арада ауруханаға жеткізуді қамтамасыз ететін арнайы жабдықталған көлік. Жедел жәрдем қызметі жүрек талмасы, инсульт, жарақат, улану, босану сияқты күтпеген оқиғалар кезінде адам өмірін аман алып қалуға мүмкіндік береді.

Жедел жәрдем көліктері заманауи медициналық құралдармен, дәрі-дәрмектермен және байланыс құралдарымен жабдықталған. Олардың ішінде жүрек соғысын бақылауға арналған аппараттар, жасанды тыныс алдыру құрылғылары, қан қысымын өлшейтін құралдар және шұғыл көмекке қажет дәрілер бар. Бұл құрал-жабдықтар дәрігерлер мен фельдшерлерге оқиға орнында дер кезінде көмек көрсетуге мүмкіндік береді.

Сонымен қатар, жедел жәрдем көлігінің жылдамдығы мен қолжетімділігі де ерекше маңызды. Көп жағдайда науқастың өмірі жедел көмек тобының қаншалықты тез жететініне байланысты болады. Сондықтан жол қозғалысында жедел жәрдем көлігіне басымдық беріледі.

Қорыта айтқанда, жедел жәрдем көлігі – қоғамдағы денсаулық сақтау жүйесінің ажырамас бөлігі. Ол адамдардың өмірі мен денсаулығын қорғауда, төтенше жағдайларда уақтылы және сапалы көмек көрсетуде зор рөл атқарады.