Отырар аудандық орталық емханасында Даму және ерте араласу орталығының ашылу салтанаты өтті.

Іс-шараға ШЖҚ “Отырар аудандық орталық аурухана” МКК басшысы Бауыржан Әбдімәлікұлы қатысып, орталықтың ашылу лентасын қиып, ізгі тілегін білдірді.

Орталықтың негізгі мақсаты – балалардың даму әлеуетін барынша ашуға көмектесу, дамуында ауытқуы бар немесе кідірісі байқалған бүлдіршіндерге кәсіби көмек көрсету, балаларды ерте кезеңде анықтап, кешенді қолдау көрсету арқылы олардың өмір сапасын жақсарту. Сондай-ақ, ата-аналарға бағыт-бағдар беріп, психологиялық және әлеуметтік қолдау ұсыну да орталықтың маңызды міндеттерінің бірі.

Мұнда тәжірибелі мамандар – балалар невропатологы, педиатр, психолог, және әлеуметтік қызметкерлер бірлесе жұмыс істейді. Олар әр баланың жағдайына жеке қарап, отбасымен бірлескен жұмыс арқылы оңалту бағдарламасын жүргізеді. Баланың сөйлеу, ойлау, эмоционалды және әлеуметтік дағдыларын дамыту үшін заманауи әдістер мен тиімді бағдарламалар қолданылуда.

Бұл орталықтың ашылуы – қоғамдағы инклюзивті көзқарасты нығайтып, ерекше қажеттіліктері бар балалардың тең құқықты дамуын қамтамасыз етуге жасалған нақты қадам.

Шара аясында орталықтың мақсат-міндеттері таныстырылды. Атап айтқанда, бұл орталық бес жасқа дейінгі балаларға сапалы медициналық және психоәлеуметтік көмек көрсету, дамуында ауытқушылығы бар балаларды ерте анықтап, кешенді қолдау көрсету мақсатында құрылған. Мұнда балалардың физикалық, эмоциялық және әлеуметтік дамуын жақсартуға бағытталған қызмет түрлері ұсынылады.

Жаңа орталық-ана мен бала денсаулығын нығайтуға бағытталған кешенді шаралардың бастамасы.Невропатолог — бұл жүйке жүйесінің ауруларын анықтап, емдейтін дәрігер маман. Ол орталық жүйке жүйесін (ми мен жұлын), сондай-ақ шеткі жүйке жүйесін (нерв талшықтары мен түйіндері) зерттейді. Адам ағзасындағы жүйке жүйесі барлық мүшелер мен жүйелердің қызметін басқарып, үйлестіріп отырады. Сондықтан оның бұзылуы адамның қозғалысына, есте сақтауына, сөйлеуіне, ойлау қабілетіне, ұйқысына және жалпы көңіл-күйіне айтарлықтай әсер етеді.

Невропатологқа жүгіну қажет болатын негізгі белгілерге жиі және ұзаққа созылған бас ауруы, бас айналу, ұйқысыздық, қол-аяқтың ұюы немесе дірілдеуі, дененің әлсіздігі, қозғалыс үйлесімінің бұзылуы, есте сақтау қабілетінің төмендеуі, сөйлеу қиындығы, мазасыздық пен күйзеліс белгілері жатады. Бұл симптомдар мидың немесе жүйке жүйесінің бұзылыстарын көрсетуі мүмкін.

Невропатолог әртүрлі тексеру әдістерін қолданады: неврологиялық тексеріс, рефлекстерді бағалау, электроэнцефалография (ЭЭГ), магниттік-резонанстық томография (МРТ), компьютерлік томография (КТ), электронейромиография сияқты зерттеулер арқылы диагноз қояды. Емдеу тәсілдері аурудың себебіне қарай дәрі-дәрмекпен емдеу, физиотерапия, массаж, емдік гимнастика және психологиялық қолдауды қамтуы мүмкін.

Бұл маман инсульт, эпилепсия, мигрень, вегетативтік-дистония, радикулит, остеохондроз, невропатия, паркинсонизм, склероз секілді ауруларды емдейді. Уақытылы невропатологқа қаралу ауыр дерттердің алдын алып, жүйке жүйесінің саулығын сақтауға көмектеседі. Жүйке жүйесінің саулығы – адамның өмір сапасы мен психологиялық тұрақтылығының негізі.