
«ЗАҢ МЕН ТӘРТІП» ЖОБАСЫ АЯСЫНДА «ЦИФРЛЫҚ ҚАУІПСІЗДІК ЖӘНЕ ЗАҢ» ТАҚЫРЫБЫНДА КЕЗДЕСУ ӨТТІ.
Қазақстан Республикасы Президентінің «Заң мен тәртіп» қағидатын іске асыру аясында «Цифрлық қауіпсіздік және заң» тақырыбында ақпараттық-түсіндіру кездесуі ұйымдастырылды.
Іс-шараның негізгі мақсаты – азаматтардың цифрлық құқықтық сауаттылығын арттыру, интернет кеңістігіндегі қауіпсіздік мәдениетін қалыптастыру, алаяқтық қылмыстардың алдын алу және заң талаптарын түсіндіру.
Кездесу барысында Отырар аудандық полиция бөлімінің Қоғамдық қауіпсіздік бөлімінің ОТЗЗҚКТ аға инспекторы, полиция капитаны Зубайра Абылайқызы Надирова интернет-алаяқтықтың кең таралған түрлері, жеке деректерді қорғау, күмәнді сілтемелер мен жалған хабарламалардан сақтану жолдары, сондай-ақ цифрлық қауіпсіздік талаптарын сақтау мәселелері бойынша жан-жақты түсіндіру жұмыстарын жүргізді.
Сонымен қатар, сот орындаушысы Нұржан Тілеубергенұлы атқарушылық іс жүргізу саласындағы заңнаманың талаптары, сот актілерін орындаудың маңыздылығы және азаматтардың құқықтары мен міндеттері жөнінде кеңінен ақпарат берді.
Шараға «Отырар» жастар ресурстық орталығының қызметкерлері мен Отбасын қолдау орталығының мамандары қатысып, құқықтық және цифрлық қауіпсіздікке қатысты өзекті мәселелер бойынша пікір алмасты.
Мұндай іс-шаралар қоғамда құқықтық мәдениетті қалыптастыруға, азаматтардың заң талаптарын сақтау жауапкершілігін арттыруға және цифрлық қауіптердің алдын алуға бағытталған.
