
АСА АУЫР ҚЫЛМЫСТАРДЫҢ АЛДЫН АЛУ БОЙЫНША ТҮСІНДІРУ ЖҰМЫСТАРЫ ЖҮРГІЗІЛДІ.
Отырар ауданында «аса ауыр» санаттағы қылмыстық құқық бұзушылықтардың алдын алу, оларды болдырмау және ескерту мақсатында жүйелі профилактикалық жұмыстар жүргізілуде.
Осы бағытта арнайы құрылған жұмысшы топ мүшелері елді мекендерде тұрғындармен кездесіп, қылмыстық құқық бұзушылықтардың алдын алу және қоғамдық қауіпсіздікті қамтамасыз ету мәселелері бойынша түсіндіру жұмыстарын жүргізді.
Кездесулер барысында азаматтарға заң талаптарын сақтау, құқық бұзушылыққа жол бермеу, отбасылық-тұрмыстық жанжалдардың алдын алу, сондай-ақ қауіп төндіретін жағдайлар орын алған кезде тиісті органдарға уақытылы хабарласудың маңыздылығы түсіндірілді.
Сонымен қатар тұрғындарға құқықтық сауаттылықты арттыруға және қылмыстық құқық бұзушылықтардың алдын алуға бағытталған арнайы жадынама парақтары таратылды.
Жұмысшы топ мүшелері тұрғындардың ұсыныс-пікірлерін тыңдап, құқықтық сипаттағы сұрақтарына түсініктемелер берді.
Аталған профилактикалық жұмыстар алдағы уақытта да жалғасын тауып, аудан тұрғындарының қауіпсіздігін қамтамасыз ету, құқықтық тәртіпті нығайту және аса ауыр қылмыстардың алдын алу бағытында тиісті шаралар қабылданатын болады.
