elqorgany.kz
  • Әлем
  • Әлеумет
  • Экономика
  • Аймақ
  • Саясат
  • Мәдениет
  • Сұхбат
  • Тұлға
  • Фотоroom
No Result
View All Result
  • Әлем
  • Әлеумет
  • Экономика
  • Аймақ
  • Саясат
  • Мәдениет
  • Сұхбат
  • Тұлға
  • Фотоroom
No Result
View All Result
ELQORGANY.KZ
No Result
View All Result
Home Uncategorized

ПРЕЗИДЕНТ ТАПСЫРМАСЫ: «ҚАЗАҚСТАН ХАЛҚЫНА» ҚОРЫ ТҮРКІСТАН ОБЛЫСЫНА 2 ЖЫЛЖЫМАЛЫ МЕДИЦИНАЛЫҚ КЕШЕНДІ ТАРТУ ЕТТІ.

4 октября, 2026
in Uncategorized, Басты жаңалықтар, Таным, Түркістан облысы
0
ПРЕЗИДЕНТ ТАПСЫРМАСЫ: «ҚАЗАҚСТАН ХАЛҚЫНА» ҚОРЫ ТҮРКІСТАН ОБЛЫСЫНА 2 ЖЫЛЖЫМАЛЫ МЕДИЦИНАЛЫҚ КЕШЕНДІ ТАРТУ ЕТТІ.
0
SHARES
2
VIEWS
Share on FacebookShare on Twitter
ПРЕЗИДЕНТ ТАПСЫРМАСЫ: «ҚАЗАҚСТАН ХАЛҚЫНА» ҚОРЫ ТҮРКІСТАН ОБЛЫСЫНА 2 ЖЫЛЖЫМАЛЫ МЕДИЦИНАЛЫҚ КЕШЕНДІ ТАРТУ ЕТТІ.
«Қазақстан халқына» қоры «Денсаулық жолы» жобасы аясында Түркістан өңіріне 2 жылжымалы медициналық кешенді тарту етті. Жылжымалы медициналық кешендердің таныстырылымы «Қазақстан халқына – 2026» V Ұлттық қайырымдылық конференциясы аясында өтті.
Іс-шараға Түркістан облысының әкімі Нұралхан Көшеров пен «Қазақстан халқына» қоғамдық қорының басқарма төрайымы Ләззат Шыңғысбаева қатысып, өңір тұрғындары мен медицина саласы өкілдерін құттықтады. Облыс әкімі Мемлекет басшысы Қасым-Жомарт Тоқаевтың тапсырмасымен құрылған қордың Түркістан облысына тұрақты қолдау көрсетіліп келе жатқанын атап өтті.
– Бүгін Түркістан облысының денсаулық сақтау саласы үшін маңызды оқиғаға куә болып отырмыз. Өңірімізге екі су жаңа жылжымалы медициналық кешен табысталды. Енді тұрғындарымызға әрбір тексеру үшін облыс орталығына немесе ірі қалаларға барудың қажеті азаяды. Медицина халыққа жақындай түседі, ал сапалы диагностика қолжетімді болады. Ауруды ерте анықтау – ем нәтижесін жақсартып, адам өмірін сақтап қалудың басты кепілі. Оларды сатып алуға көрсеткен қолдауы үшін «Қазақстан халқына» қоғамдық қорына ерекше алғысымызды білдіреміз. Мемлекет басшысы Қасым-Жомарт Кемелұлы Тоқаев халықтың денсаулығын қорғауға айрықша мән беріп келеді. Бүгінгі іс-шара – осы саясаттың нақты іске асуының бір көрінісі, – деді Нұралхан Көшеров.
Салтанатты іс-шарада медицина мекемелеріне көліктегі жылжымалы кешендердің кілттері тапсырылды.
Бұл жобаның жалпы бюджеті 1,1 млрд теңгені құрайды. Оның негізгі мақсаты – шалғай елді мекендерде тұратын тұрғындар үшін онкологиялық скрининг пен профилактикалық тексерулердің қолжетімділігін арттыру. Техникалардың мүмкіндіктері өте жоғары. Бірінші кешен заманауи компьютерлік томография (КТ) аппаратымен толық жабдықталған. Екінші кешен маммографиялық және эксперттік санаттағы ультрадыбыстық зерттеу (УЗИ) аппараттарымен қамтамасыз етілген. Заманауи диагностикалық құралдармен жабдықталған жылжымалы медициналық кешендер шалғай ауыл тұрғындарының облыс орталығына бармай-ақ, қажетті медициналық тексерулерден өтуіне жағдай жасайды. Сонымен бірге өңірдегі профилактикалық медициналық көмекті күшейтіп, ауруларды ерте анықтау мүмкіндігін арттыруға тың серпін береді.
Медициналық кешендерді тапсырғаннан кейін облыс әкімі мен «Қазақстан халқына» қорының басшылығы «Конгрес-холл» кешенінде ұйымдастырылған көрмені тамашалады. Көрмеде аталған қордың қолдауымен жүзеге асырылған жобалар таныстырылды.
Айта кетейік, Түркістан облысында 2022 жылдан бері «Қазақстан халқына» қорының қолдауымен 25 жоба жүзеге асырылды. Өңірдегі әлеуметтік жобаларға 20 млрд 375 млн теңгеден астам қаражат бағытталған.
Алдыңғы пост

ТҮРКІСТАНДА ЖАҢА МЕДИЦИНАЛЫҚ НЫСАНДАРДЫҢ ҚҰРЫЛЫСЫ МЕН ПЕРИНАТАЛДЫҚ КӨМЕК САПАСЫ ПЫСЫҚТАЛДЫ.

Келесі жаңалық

ТРАНСПЛАНТОЛОГИЯ – ЖАҢА ӨМІР.

Добавить комментарий Отменить ответ

Ваш адрес email не будет опубликован. Обязательные поля помечены *

Ноябрь 2026
Пн Вт Ср Чт Пт Сб Вс
 1
2345678
9101112131415
16171819202122
23242526272829
30  
« Окт    
Elqorgany.kz ақпарат агенттігіне 2024 жылғы 7 наурызда "Қазақстан Республикасы Мәдениет және ақпарат министрлігінің Ақпарат комитеті" KZ28VPY00088862 куәлігі берілген.
Телефон: 8702555555
Почта: info@elqorgany.kz

Сайт әкімшілігі материалды
көшіріп басу кезінде elqorgany.kz
сайтына тікелей гиперсілтеме
көрсетуді талап етеді

No Result
View All Result
  • Басты жаңалықтар
    • Қазақстан
    • Әлем
  • Әлеумет
  • Қоғам
  • Мәдениет
  • Экономика
  • Таным
  • Спорт
  • Сұхбат

verbum.kz ақпарат агенттігі