• Түркістан өңірінің экономикасын дамыту, кәсіпорындар ашу бағытында шетелдік тәжірбиені пайдалану, инвесторлар тарту, дамыған елдермен тығыз байланыс орнату бағытындағы жұмыстар жалғасын тауып жатыр. Осы мақсатта Оңтүстіктік Корея мемлекетіне іссапармен бардық.
Онда Қазақстанның Кореядағы елшісі Нұрғали Арыстановпен және Korea International Trade Association (Кореяның халықаралық сауда қауымдастығы) компаниясының президенті Сик Юн Джинмен кездестік. Басқосуда екі тарап арасындағы өзара байланысты нығайту мәселесін жан-жақты талқылап, келіссөздер жүргіздік.
Корея еліндегі бұл жетекші бизнес ұйымы шағын және орта бизнесіне сыртқы нарықтарға шығу көмек көрсетеді. Сауда саласының құқықтары мен мүдделерін қорғай отырып, жаһандық саудаға ықпал етеді.
Кореяның халықаралық сауда қауымдастығы қызметі шетелдік маркетинг пен инвестицияларды қолдауды, халықаралық ынтымақтастыққа жәрдемдесуді, сауда ақпараты мен зерттеулерді ұсынуды, халықаралық сауда бойынша мамандарды оқытуды және консультацияларды қамтиды.
