Цирк әртісі еңбек жолын Қазақконцерт сахнасынан бастады. Кейін жұбайы Сұлтанғали Шүкіровпен бірге иллюзионистік жанрда өнер көрсетті.
Сара Қабиғожина 1978 жылы Карловы Варыда өткен XIV Халықаралық заманауи иллюзия фестивалінде «Сиқыр аруы» атағын, Парижде, Брюссельде өткен иллюзионистер байқауында бас жүлдені жеңіп алды. Сондай-ақ Гаванадағы XI Дүниежүзілік жастар мен студенттер фестивалінің лауреаты атанды.
Бұдан бөлек, оған цирк өнері саласындағы жетістіктері үшін Лениндік комсомол сыйлығы, кеңестік және қазақстандық цирк өнерін дамытуға қосқан елеулі үлесі үшін, Қазақ КСР еңбек сіңірген әртісі және Халық әртісі сынды атақтары берілді.
