ҚР Мемлекеттік рәміздер күніне орай, Түркістан қаласында-Мемлекеттік туды көтеру рәсімі өтті.

1992 жылы Тәуелсіз Қазақ елінің рәміздері ресми түрде белгіленіп, 2007 жылы 4 маусым – Рәміздер күні болып бекітілді. Мемлекеттік елтаңба,ту және гимн мемлекеттік рәміздер болып табылады.Осы жерде рәміздердің авторларын атап кеткеніміз жөн секілді.Тудың авторы-Шәкен Ниязбеков ал,мемлекеттік елтаңбаның авторлары-Жандарбек Мәлібеков және Шот-Аман Уәлиханов.Қазақстан Республикасының Мемлекеттік гимінің авторы- Шәмші Қалдаяқов,Жұмеке Нәжімеденов,Нұрсұлтан Назарбаев. Бүкіл Қазақстандықтарды осы айтулы мерекемен шын жүректен құттықтаймыз! Мемлекеттік Ту, Әнұран және Елтаңба – тәуелсіздігіміздің айнымас дәлелі. Ұлтымыздың рухын оятатын рәміздерімізді күллі әлем мойындай келіп құрмет көрсетеді. Тәуелсіз Қазақстанның мемлекеттік туы экономикалық және достық қарым-қатынас орнатқан көптеген мемлекеттерде биікте желбіреп тұр. Жеңімпаз спортшыларымыз Туымызды көкке көтеріп, Әнұранды асқақтатуда. Ал Елтаңбамыз елдігіміздің белгісіндей жарқырап тұр. Бұл әрбіріміз үшін зор мақтаныш, бақыт екені даусыз!

Осыған орай Түркістан қаласында, Бекзат Саттарханов даңғылының бойында орналасқан Рәміздер алаңында қала тұрғындарының, Түркістан қала ,облыс әкімдерінің қатысуымен керемет іс-шара өтті.

Түркістан облысының әкімі Дархан Амангелдіұлы сөз бастап:

»Құрметті түркістандықтар! Қадірлі жерлестер! Сіздерді 4 маусым – Рәміздер күнімен шын жүректен құттықтаймын!

Мемлекеттік Ту, Әнұран және Елтаңба – тәуелсіздігіміздің дәлелі. Мемлекетіміздің айбары.

Бүгінгідей керегеміз кең, тереземіз тең заманда күн кешуіміз – Тәуелсіздік сыйлаған тыныштық пен тұрақтылықтың арқасы. Ал, Тәуелсіздікті сақтау, қадір-қасиетіне жету Мемлекеттік Рәміздерімізге деген құрметтен басталатыны айқын.Еліміз үшін Көк байрағымыздың, Елтаңбамыз бен Әнұранымыздың мән-маңызы айрықша. Бұл құндылықтар бойымызға зор мақтаныш және жауапкершілік сезімін ұялатады. Мемлекеттік рәміздерді қадірлеу – әр азаматтың қастерлі парызы. Сондықтан біз жас ұрпаққа Мемлекеттік рәміздердің мәнін ұқтырып, маңызын түсіндіре білуіміз керек. Әр қазақ Әнұранын шырқап, көк Туын қадірлесе, еліміздің еңсесі биік болатыны анық.

Көк байрағы желбіреген, Әнұраны асқақтаған, айбынды Елтаңбасы бар Қазақ елі жасай берсін! Еліміз аман, халқымыз тыныш, Тәуелсіздігіміз мәңгі болғай!

Бұл ретте Түркістан өңірінде отаншыл, намысты азаматтар, жалынды жастар өсіп өте көп екенін атап өткім келеді. Олар рәміздерді құрметтейді және қадірлейді. Бұл құндылықтар бойымызға зор мақтаныш және жауапкершілік сезімін ұялатады. Мемлекеттік рәміздерді қадірлеу – әр азаматтың қастерлі парызы! Әр қазақ Әнұранын шырқап, көк Туын қадірлесе, еліміздің еңсесі биік болатыны анық. Аспан түсті Туы, асқақ Әнұраны, айбынды Елтаңбасы бар Қазақ елі жасай берсін!

Айта кетейін, осы күні қаламызда ҚР Мемлекеттік рәміздер күніне арналған автошеру өткізілді.»-деп,аяқтады.

Түркістан қаласында Мемлекеттік рәміздер күні бүгінгі ауа-райы секілді шуақты көңілді өтті деуге болады.

Пн	Вт	Ср	Чт	Пт	Сб	Вс
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30	31

ҚР Мемлекеттік рәміздер күніне орай, Түркістан қаласында-Мемлекеттік туды көтеру рәсімі өтті.

Түркістан облысының әкімі Қазығұрт ауданының халқымен кездесіп,бірқатар нысандарды аралап кетті.

Төлеби ауданына жұмыс сапары облыс әкімінің.

Добавить комментарий Отменить ответ